27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Էրդողանն ու Ալիևը Բաքվում բանակցություններ են անցկացրել
Քաղաքականություն
12.11.2024 | 17:51
Թուրքիայի նախագահ Ռեջեփ Թայիփ Էրդողանը Բաքվում COP29-ի համաժողովի շրջանակում հանդիպել է Ադրբեջանի նախագահ Իլհամ Ալիևի հետ։ Թուրքական կողմի հաղորդագրության համաձայն՝ հանդիպման ընթացքում երկու երկրների ղեկավարները փոխադարձաբար հաստատել են Թուրքիայի և Ադրբեջանի միջև երկկողմ հարաբերությունները զարգացնելու պատրաստակամությունը։
Հանդիպումն անցկացվել է մամուլի համար փակ ռեժիմով։
Հաղորդվում է, որ հանդիպմանը մասնակցել են Թուրքիայի արտաքին գործերի նախարար Հաքան Ֆիդանը, նախագահի հաղորդակցության գծով տնօրեն Ֆահրեթթին Ալթունը, նախագահի արտաքին քաղաքականության և անվտանգության հարցերով գլխավոր խորհրդական Ակիֆ Չաղաթայ Քըլըչը, երկու երկրների այլ պաշտոնյաներ։
Ադրբեջանական կողմն էլ հայտնում է, որ «զրույցի ընթացքում մտքեր են փոխանակվել Ադրբեջանի և Թուրքիայի միջև բարեկամական, եղբայրական և ռազմավարական դաշնակցային հարաբերությունների զարգացման հեռանկարների շուրջ»։
Թարգմանությունը՝ Էմմա Չոբանյանի
