08.10.2026 | 15:01
Հայտնի է ազատ ոճի ըմբշամարտի Հայաստանի հավաքականի կազմն ԱԱ-ում
Թուրքիան իր թեկնածությունն է առաջադրել COP31-ը հյուրընկալելու համար․ Էրդողան
Քաղաքականություն
12.11.2024 | 16:53
Թուրքիայի նախագահ Ռեջեփ Թայիփ Էրդողանը հայտնել է, որ երկիրն առաջադրել է իր թեկնածությունը՝ 2026 թվականին հյուրընկալելու Կլիմայի փոփոխության հարցերով ՄԱԿ-ի Կողմերի 31-րդ համաժողովը (COP31), հաղորդում է TRT Haber-ը։
«Մենք առաջադրել ենք մեր թեկնածությունը՝ հյուրընկալելու 2026 թվականին ՄԱԿ-ի Կլիմայի փոփոխության հարցերով Կողմերի 31-րդ համաժողովը: Շնորհակալություն ենք հայտնում այն երկրներին, որոնք պաշտպանել են մեր թեկնածությունը և անհամբեր սպասում ենք նրանց գնահատականներին և աջակցությանը, որոնք շարունակում են որոշել իրենց դիրքորոշումը»,-ասել է Էրդողանը։
Նա նաև հայտարարել է, որ երբ խոսում ենք ապագա սերունդներին ավելի արդար աշխարհ թողնելու մասին, «Իսրայելի անօրինական, անբարոյական և անխիղճ հարձակումները Պաղեստինի և Լիբանանի նկատմամբ շարունակվում են»։
«Ներկայիս իշխանությունը շարունակում է սպանել մարդկանց, այդ թվում՝ երեխաների, կանանց ու ծերերի, և հսկայական վնաս հասցնել շրջակա միջավայրին։ Նրանք, ովքեր առաջացրել են այս ծանր մարդասիրական և բնապահպանական աղետը, պետք է պատասխանատվության ենթարկվեն միջազգային դատարաններում»,- հայտարարել է Թուրքիայի նախագահը։
Թարգմանությունը՝ Էմմա Չոբանյանի
