22.12.2024 | 22:00
Ինքնաթիռի կործանում Բրազիլիայում․ կան զոհեր և տուժածներ
Ովքեր են Կենտրոնի թաղապետարանի ձերբակալված պաշտոնյաները
Հասարակություն
12.11.2024 | 13:32
Քրեական վարույթը, որի շրջանակներում իրավապահները գործողություններ են իրականացրել Կենտրոն վարչական շրջանում, քննում է Հակակոռուպցիոն կոմիտեն, Factor.am-ին հայտնեցին իրավապահ կառույցից։ Իրավապահ համակարգում Factor.am-ի աղբյուրների փոխանցմամբ՝ ձերբակալվել են Կենտրոն վարչական շրջանի աշխատակազմի առևտրի և սպասարկումների բաժնի պետ Արսեն Աղաբեկյանը, նրա տեղակալը, նույն բաժնի ևս մեկ աշխատակից և մեկ քաղաքացի։
Ըստ նախնական տեղեկությունների՝ Հակակոռուպցիոն կոմիտեում քննվող գործը վերաբերում է ենթադրյալ կաշառքի և պաշտոնեական լիազորությունները չարաշահելու կամ անցնելու դեպքին։
Factor․am-ի աղբյուրի փոխանցմամբ՝ նրանք կասկածվում են հանրային սննդի օբյեկտներից լիցենզիայի պետական տուրքի գումարներն առձեռն հավաքագրելու և Կենտրոն վարչական շրջանում սուրճի ապարատներ տեղադրելու թույլտվություններ տալու համար։
Նշենք, որ Արսեն Աղաբեկյանի ֆեյսբուքյան էջում նշված է, որ Կենտրոնի թաղապետարանում աշխատում է 2024 թվականի հուլիսի 30-ից։
Արաքս Մամուլյան
Արփի Հակոբյան
