07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
Ալիևն Արցախի դեմ սանձազերծած 44-օրյա պատերազմն ու հայերի էթնիկ զտումը «միջազգային իրավունքի վերականգնում» է անվանել
Քաղաքականություն
12.11.2024 | 17:31
Ադրբեջանի նախագահ Իլհամ Ալիևը Բաքվում անցկացվող ՄԱԿ-ի կլիմայական COP29 համաժողովի երկրների առաջնորդների գագաթնաժողովի բացմանն ունեցած ելույթում հերթական անգամ ադրբեջանական կեղծ քարոզչական թեզերն է ներկայացրել։ Նա, մասնավորապես, Հայաստանին մեղադրել է «30 տարի Ադրբեջանի 20 տոկոսի օկուպացիայի ու 1 մլն ադրբեջանցիների էթնիկ զտման մեջ»՝ արդարացնելով 2020 թվականին Արցախի դեմ սանձազերծած 44-օրյա պատերազմն ու դրան հաջորդած 2023 թվականի Արցախի էթնիկ զտումը։
«4 տարի առաջ մենք տոնեցինք մեր պատմական հաղթանակը Ղարաբաղյան երկրորդ պատերազմում։ Մեկ տարի առաջ մենք ամբողջովին վերականգնեցինք մեր ինքնիշխանությունը՝ ՄԱԿ-ի կանոնադրության, միջազգային իրավունքին, ՄԱԿ-ի ԱԽ բանաձևերին համապատասխան։ Մենք ինքներս իրականացրեցինք այդ բանաձևերը՝ վերականգնելով միջազգային իրավունքը, արդարությունը և վերջ դնելով հայկական օկուպացիային»,- հայտարարել է Ալիևը։
Թարգմանությունը՝ Էմմա Չոբանյանի
