09.09.2026 | 16:01
Վահե Ղալումյանը՝ ԱԺ տարածքային կառավարման և շրջակա միջավայրի պահպանության հարցերի մշտական հանձնաժողովի փոխնախագահ
Ռուսական հարվածից հետո 5 հարկանի շենքի փլատակների տակից կնոջ և նրա 3 երեխաների դիերն են դուրս բերել
Քաղաքականություն
12.11.2024 | 12:41
Նոյեմբերի 11-ին ռուսական բալիստիկ հրթիռով խոցված Կրիվոյ Ռոգի հինգ հարկանի բնակելի շենքի փլատակներից դուրս են բերվել կնոջ և նրա երեք երեխաների դիերը, հայտնում են տեղի իշխանությունները, գրում է Current Time-ը։
Ռուսական բանակի՝ Կրիվոյ Ռոգի վրա հարձակման հետևանքով փլուզվել է հինգ հարկանի շենքի մուտքը։ Իշխանությունները հայտնել են 14 զոհի մասին:
Փրկարարներն առաջինը փլատակների տակից դուրս են բերել կնոջ դին։ Այս մասին հայտնի է դարձել նոյեմբերի 11-ի ուշ երեկոյան։ Ենթադրվում էր, որ տան փլատակների տակ կարող էին լինել նաև նրա երեք երեխաները։ Նոյեմբերի 12-ի առավոտյան նրանց ևս հայտնաբերել են փրկարարները։
«Նախօրեին տեղի ունեցած հրթիռային հարձակումը քաղաքի վրա խլել է երեք մարդու կյանք։ Փրկարարներն աշխատում են առանց դադարի։ Փնտրում են ևս մեկ փոքրիկի»,- Տելեգրամում գրել է Դնեպրոպետրովսկի շրջանային ռազմական վարչակազմի ղեկավար Սերգեյ Լիսակը:
Ավելի ուշ քաղաքային ռազմական վարչակազմի ղեկավար Ալեքսանդր Վիլկուլը հայտնել է, որ փրկարարները հայտնաբերել են երրորդ երեխայի մարմինը․ նա մեկ տարեկան էլ չկար։
Փլատակների մաքրումն ավարտվել է։
Թարգմանությունը՝ Տաթև Ֆռանգյանի
