08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ԵՄ-ն Ուկրաինային գրեթե 1 մլն արկ է տրամադրել
Քաղաքականություն
11.11.2024 | 21:44
Եվրամիությունը մոտենում է Ուկրաինային տարեկան 1 միլիոն հրետանու արկի մատակարարման խոստման կատարմանը։ Առաքումները գրեթե հասել են այս մակարդակին։ Այս մասին «Европейская правда»-ին տված հարցազրույցում ասել է ԵՄ բարձր ներկայացուցիչ Ժոզեպ Բորելը։
«Մենք արդեն մատակարարել ենք ավելի քան 980 հազար արկ և շատ շուտով կմատակարարենք 1 միլիոն արկ»,- ասել է նա։
Բորելը խոստովանել է՝ թեև ԵՄ-ն ի սկզբանե ծրագրել էր հասնել այս նպատակին մինչև գարուն, կազմակերպությունը բախվել է որոշակի մարտահրավերների:
«Ես գիտեմ, որ մենք պարտավորություն ենք ստանձնել հասնել այս մակարդակին մինչև գարուն, բայց չկարողացանք։ Սակայն մինչև տարեվերջ կկարողանանք։ Այդ նպատակով մենք զգալիորեն արագացել են»,- ընդգծել է դիվանագետը։
Բորելի խոսքով՝ բացի հիմնական մատակարարումներից՝ Ուկրաինան նաև մեծ քանակությամբ զինամթերք է ստացել ԵՄ անդամ առանձին երկրների հետ երկկողմ համաձայնագրերի միջոցով, նաև հիշատակել է Չեխիայի նախաձեռնությունը։
«Ընդհանուր առմամբ, մինչև տարեվերջ մենք Ուկրաինային կմատակարարենք ավելի քան 1,5 միլիոն զինամթերք»,- վստահեցրել է նա։
Ինչ վերաբերում է հաջորդ տարվա ծրագրերին, Բորելը կարծում է, որ ԵՄ-ն պատրաստ է աջակցել Ուկրաինային կայուն մատակարարումներով։
Թարգմանությունը՝ Տաթև Ֆռանգյանի
