24.02.2026 | 11:55
Իրանում Սուրեն Պապիկյանը հանդիպել է իր պաշտոնակցին
Ադրբեջանն արձագանքել է Նիկոլ Փաշինյանի՝ Ալիևի որդու զինծառայությանն առնչվող հայտարարությանը
Քաղաքականություն
17.09.2018 | 15:58
Ըստ ադրբեջանական «Թրենդ» գործակալության՝ Ադրբեջանի նախագահ Իլհամ Ալիևի խոսնակ Ազեր Հասիմովը արձագանքել է ՀՀ վարչապետ Նիկոլ Փաշինյանի երեկ հանրահավաքում հնչեցված այն հայտարարությանը, որ «Ադրբեջանի նախագահ Իլհամ Ալիևի որդին մեկնել է բանակ՝ ծառայության, սակայն նա ծառայում է Բաքվի զորամասերից մեկում ու նրան ոչինչ չի սպառնում»:
«Ցանկանում ենք նշել, որ Իլհամ Ալիևի որդին՝ Հեյդար Ալիևը, իր ֆիզիկական հատկանիշների և վերապատրաստմանը համապատասխան՝ զորակոչվել է Ադրբեջանի զինված ուժերի մարտունակ զորամասերից մեկը, իսկ սեպտեմբերի 16-ին երդմնակալության արարողությունը հայտնի դարձավ, որ այդ զորամասը Ադրբեջանի Զինված ուժերի առաջատարներից մեկն է»,- ասել է Հասիմովը:
Նշենք, որ Նիկոլ Փաշինյանը նշել էր, որ իր որդին ծառայում է Լեռնային Ղարաբաղում, սահմանին, որովհետև «ՀՀ-ն դարձել է մեծ տուն, մեկ ընտանիք ու կարևոր չէ, թե ով կլինի զինվորը, մենք բոլորի համար ցավում ենք, ինչպես մեր յուրաքանչյուր զավակի: Հիմա Ադրբեջանի ժողովուրդը պետք է պահանջի, որ Ալիևի որդին ևս ծառայի առաջնագծում, տեսնենք այս պարագայում կշարունակվի՞ Բաքվի լկտի պահվածքը»:
