22.11.2024 | 23:30
Մեծ Բրիտանիան պատերազմո՞ւմ է ՌԴ հետ․ Քիր Սթարմերի արձագանքը
Հանձնաժողովը դրական եզրակացություն է տվել օրենսդրական փաթեթին
Քաղաքականություն
11.11.2024 | 14:44
Օրինագծի մշակումը պայմանավորված է ինչպես ԱԱԾ-ից ՊՊԾ-ի առանձնացման հետեւանքով մի շարք օրենքներում տեխնիկական բնույթի լրացումներ կատարելու, այնպես էլ որոշ իրավահարաբերությունների վերանայման անհրաժեշտությամբ. նշել է է ՀՀ պետական պահպանության ծառայության պետի տեղակալ Գրիգորի Առաքելյանը՝ քննարկմանը ներկայացնելով «Հատուկ պետական պաշտպանության ենթակա անձանց անվտանգության ապահովման մասին» եւ կից օրենքներում լրացումներ եւ փոփոխություններ նախատեսող օրենսդրական փաթեթը: Հարցը երկրորդ ընթերցմամբ քննարկվել է ԱԺ պաշտպանության եւ անվտանգության հարցերի մշտական հանձնաժողովի՝ նոյեմբերի 11-ի նիստում:
Զեկուցողը նշել է, որ ԱԺ-ի կողմից առաջին ընթերցմամբ ընդունվելուց հետո օրենսդրական փաթեթի վերաբերյալ պատգամավորներն առաջարկություններ չեն ներկայացրել: Կառավարության առաջարկությամբ «Հատուկ պետական պաշտպանության ենթակա անձանց անվտանգության ապահովման մասին» օրենքում կատարվել են տեխնիկական բնույթի փոխություններ եւ մեկ բովանդակային լրացում: Օրինագծով նախատեսվող կարգավորումների լիարժեքությունն ապահովելու եւ այն «Պաշտպանության մասին» օրենքին համապատասխանեցնելու նպատակով ծառայության խնդիրների թվում ավելացվել է պատերազմի կամ ռազմական դրության ժամանակ ՊՊԾ-ին՝ իր իրավասության շրջանակում Հայաստանի Հանրապետության պաշտպանությանը մասնակցելուն վերաբերյալ դրույթը:
Հարակից զեկուցող, հանձնաժողովի անդամ Վահագն Ալեքսանյանը նշել է, որ օրենքի ընդունումը կնպաստի ՊՊԾ-ն ի գործառույթներն էլ ավելի հստակ կատարելուն: Նա նաեւ վստահություն է հայտնել, որ հասարակությունը բարձր է գնահատում այն ծառայությունը, որը իրականացնում է կառույցը:
Հանձնաժողովի նախագահ Անդրանիկ Քոչարյանը կարեւորել է ծառայության զարգացման տեմպերը, որակական ցուցանիշները եւ նշել, որ ավելի տեղեկացված լինելու համար անհրաժեշտ է ավելացնել ծառայության գործիքակազմը:
Օրենքների նախագծերի փաթեթը ստացել է դրական եզրակացություն:
