27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
«Սուրմալու»-ի մոտ մետրոյի նոր կայարանի կառուցման ծրագիրը ներկայացվել է միջազգային փորձագիտական համայնքին
Տնտեսություն
11.11.2024 | 12:28
«Սուրմալու»-ի մոտ մետրոյի նոր կայարանի կառուցման ծրագիրը ներկայացվել է միջազգային կառույցներին և արտաքին փորձագիտական համայնքին՝ ևս մեկ անգամ կարծիքներ ստանալու նպատակով: «Արմենպրես»-ի հաղորդմամբ՝ այս մասին Երևանի քաղաքապետարանի գործակարգավարական նիստի ժամանակ հայտնեց «Երևանի կառուցապատման ներդրումային ծրագրի իրականացման գրասենյակ» ՀՈԱԿ-ի տնօրեն Անետա Բաբայանը՝ նշելով, որ եթե մինչև նոյեմբերի վերջ մասնագիտական խմբի նիստը կայանա և նախագիծը լրամշակված հաստատվի, կանցնեն արդեն մրցութային գործընթացի փուլ:
««Սուրմալու»-ի մոտ մետրոյի նոր կայարանի կառուցման նախագիծը հոկտեմբերի 17-ին կայացած մասնագիտական խմբի նիստում, ինչպես նաև բյուջետային քննարկման ժամանական քննարկվել է, որտեղ որոշվել էր նախագիծը վերանայել, լրամշակել՝ այնտեղ ներառելով նաև որոշակի տեխնիկական, տեսական ուսումնասիրություն իրականացնելու բաղադրիչը:
Նաև քննարկվել էր ծրագիրը ներկայացնել միջազգային կառույցներին և արտաքին փորձագիտական համայնքին ուսումնասիրության և իրենց կողմից կարծիքներ ստանալու նպատակով, որն այս պահին ընթացքի մեջ է»,-ասաց Անետա Բաբայանը: Նա ընդգծեց նաև, որ ծրագրի հավանական ֆինանսավորման ուղղությամբ նախնական բանակցություններ են տարվում միջազգային կառույցների հետ:
