08.10.2026 | 12:28
Դիպլոմ չունենալը համատեղելի է վարչապետի պաշտոնին, աղջիկ ունենալը կաթողիկոսի դեպքում՝ ոչ. Փաշինյան․ ՏԵՍԱՆՅՈՒԹ
Իսրայելի պաշտպանության նախարարը Նասրալայի սպանությունն անվանել է հաղթանակ «Հըզբոլլահ»-ի նկատմամբ
Քաղաքականություն
11.11.2024 | 23:03
Իսրայելի պաշտպանության նոր նախարար Իսրայել Կացը հայտարարել է, որ իսրայելական բանակը ջախջախել է լիբանանյան «Հըզբոլլահ» խմբավորմանը՝ սպանելով նրա գլխավոր քարտուղար Հասան Նասրալլահին։ Նրա պնդմամբ՝ Իսրայելը շահագրգռված չէ միջամտել Լիբանանի ներքին քաղաքականությանը։
«Մենք հաղթեցինք «Հըզբոլլահ»-ին, և Նասրալլայի ոչնչացումն ամենահայտնի ձեռքբերումն էր: Այժմ մեր խնդիրն է շարունակել ճնշում գործադրել՝ քաղելու այս հաղթանակի պտուղները»,- ասել է Իսրայել Կացը, փոխանցում է CNN-News18-ը:
Նա նաև հայտարարել է, որ Իսրայելը «սովորել է իր դասերը» և մտադիր չէ միջամտել Լիբանանի ներքին գործերին։ Կացն ասել է՝ հույս ունի, որ Լիբանանը կմիանա Իսրայելի հետ հարաբերությունները կարգավորող այլ երկրներին:
Իսրայելի պաշտպանական ուժերը սեպտեմբերի վերջից Լիբանանում «Հըզբոլլահ»-ի ենթակառուցվածքների ոչնչացման գործողություն են իրականացնում։ Ցամաքային գործողությունը սկսվել է հոկտեմբերի սկզբին։ Հոկտեմբերի 29-ին Իսրայելի վարչապետ Բենիամին Նեթանյահուն հանդիպում է անցկացրել՝ քննարկելու Լիբանանում հրադադարի ծրագիրը։
Թարգմանությունը՝ Տաթև Ֆռանգյանի
