30.04.2026 | 21:27
Այսօրվա փաստաթղթի ստորագրումը նշանակալի քայլ է գյուղական զարգացման ամրապնդման ճանապարհին. Պապոյան
Վրաստանի վարչապետը կմասնակցի Բաքվում կայանալիք COP29-ին
Քաղաքականություն
10.11.2024 | 16:56
Վրաստանի վարչապետ Իրակլի Կոբախիձեն նոյեմբերի 11-13-ը կմասնակցի ՄԱԿ-ի Կլիմայի փոփոխության 29-րդ համաժողովին (COP29), որը կանցկացվի Ադրբեջանի մայրաքաղաք Բաքվում․ փոխանցում է Վրաստանի առաջին ալիքը։
Վրաստանի կառավարության տեղեկատվության համաձայն՝ համաժողովին մասնակցող առաջնորդներին կհյուրընկալեն ՄԱԿ-ի գլխավոր քարտուղար Անտոնիո Գուտիերեշը և Ադրբեջանի Հանրապետության նախագահ Իլհամ Ալիևը։
«Բաքու այցի շրջանակներում Վրաստանի վարչապետը դեմ առ դեմ հանդիպում կունենա Ադրբեջանի նախագահի հետ։ Նախատեսվում է Իրակլի Կոբախիձեի ելույթը COP29-ի ղեկավարների գագաթնաժողովում, ինչպես նաև պանելային քննարկումներ, որոնք կանցկացվեն կլոր սեղանի ձևաչափով՝ տարբեր թեմաներով»,- նշված է հաղորդագրությունում։
