23.06.2026 | 06:00
ԱԱ-2026. Նորվեգիան դուրս եկավ փլեյ-օֆֆ, Հոլանդը դարձյալ դուբլն գրանցեց. ՏԵՍԱՆՅՈՒԹ
Էրդողանը Բաքվում խոսել է հայ-թուրքական հարաբերություններից և ղարաբաղյան հիմնախնդրից
Քաղաքականություն
17.09.2018 | 13:57
Թուրքիայի նախագահ Ռեջեփ Թայիփ Էրդողանը սեպտեմբերի 15-ին Ադրբեջանում մասնակցել է «Բաքվի ազատագրման 100-րդ տարեդարձին» նվիրված միջոցառմանը, որի ժամանակ ելույթ ունենալիս անդրադարձել է Հայաստանին և ԼՂ հիմնախնդրին. փոխանցում է ermenihaber-ը:
Էրդողանը, խոսելով թուրք-ադրբեջանական եղբայրությանը մասին, նշել է, որ Ադրբեջանի ուրախությունը Թուրքիայի ուրախությունն է, նրա հպարտությունը, հոգսերը, խնդիրները նույնպես Թուրքիայինն են:
«Ղարաբաղի հարցն Ադրբեջանի ամենամեծ հոգսն է, և մեզ համար էլ նույնքան ցավոտ է: Թուրքիան շարունակելու է մինչև վերջ աջակցել խնդրի լուծման համար Ադրբեջանի ջանքերին»:
Էրդողանը մեկ անգամ ևս շեշտել է, որ Հայաստանի հետ հարաբերությունների կարգավորման պարտադիր պայմանը Լեռնային Ղարաբաղի խնդրի լուծումն է: Էրդողանի պնդմամբ` այս հարցում առաջին քայլը պետք է անեն հայերը, և Թուրքիայի դիրքորոշումն այս հարցում վերջնական է:
«Իհարկե, մենք մեր բոլոր հարևանների հետ լավ հարաբերություններ ենք ուզում հաստատել: Ղարաբաղի հիմնախնդրի լուծում Հայաստանի հետ հարաբերությունների կարգավորման համար այն պայմանն է, առանց որի չի լինի, սա պետք է իմանան»:
