09.09.2026 | 10:41
Հրդեհ Քարաբերդում․ այրվել է մոտ 700 հակ անասնակեր
Աջափնյակ վարչական շրջանի ղեկավար Կամսար Բաբինյանը հրաժարական է տվել
Քաղաքականություն
08.11.2024 | 18:08
Աջափնյակ վարչական շրջանի ղեկավար Կամսար Բաբինյանը հրաժարականի դիմում է ներկայացրել։ Թե որն է հրաժարականի պատճառը, դեռ հայտնի չէ։
Բաբինյանի հետ կապ հաստատել չի ստացվում․ նա մեր հեռախոսազանգերին չի պատասխանում։ Երևանի քաղաքապետի մամուլի խոսնակ Հայկ Կոստանյանը ևս անպատասխան է թողնում մեր հեռախոսազանգերը։
Հիշեցնենք՝ անկուսակցական Կամսար Բաբինյանը Աջափնյակ վարչական շրջանը ղեկավարում էր 2022 թվականից Հրաչյա Սարգսյանի որորշմամբ։ Իսկ 2023 թվականի ավագանու ընտրություններից հետո Տիգրան Ավինյանը նրան վերանշանակեց այդ պաշտոնում։ Մինչ վարչական շրջանի ղեկավար դառնալը Բաբինյանը զբաղեցրել է Երևանի քաղաքապետարանի աշխատակազմի առողջապահության վարչության պետի պաշտոնը՝ Հայկ Մարությանի օրոք։
Factor TV-ի տեղեկություններով՝ իշխող ՔՊ խմբակցությունը մտադիր է Բաբինյանի փոխարեն այդ պաշտոնում նշանակել Աջափնյակի նախկին փոխթաղապետ Սերոբ Սարգսյանին։
Հավելենք՝ անցյալ տարի մեծ աղմուկ էր բարձրացել Սարգսյանի անվան շուրջ․ «Ցորի» զորամասի անհետ կորած զինծառայողների ծնողների բողոքի ակցիայի ժամանակ, ականատեսների խոսքով, Սարգսյանը նրանց «փնթիներ» էր անվանել։
Արփի Հակոբյան
