21.01.2026 | 23:30
Ինչ իրավիճակ է Հայաստանի ճանապարհներին և Լարսում
Միքայել Մինասյանի սանիկը՝ Վիկտոր Մնացականյանը, 4-րդ հորիզոնականն է զբաղեցնում․ Վահե Էնֆիաջյան. ՏԵՍԱՆՅՈՒԹ
Քաղաքականություն
17.09.2018 | 13:23
«Վիկտոր Մնացականյանը 4-րդ հորիզոնականն է զբաղեցնում և հանդիսանում է Միքայել Մինասյանի սանիկը, Իզաբելլա Աբգարյանը նախկինում նախագահականի ՊՈԱԿ-ում է աշխատել, գիտեք նաև որպես բլոգեր, Հակոբ Բալայանը Զորի Բալայանի՝ Սերժ Սարգսյանի նախկին խորհրդականի զարմիկն է։ Ամբողջական ցանկն ու չակերտները դեռևս չենք բացում», – այսօր Ազգային ժողովում լրագրողների հետ ճեպազրույցում անդրադառնալով հարցին՝ որտեղից Նաիրա Զոհրաբյանին նման տեղեկատվություն, ըստ որի, նշյալ անձինք ընդգրկված են «Իմ քայլը» դաշինքի համամասնական ցուցակում, ասաց պատգամավոր Վահե Էնֆիաջյանը։
Անդրադառնալով ԱԺ «Ելք» խմբակցության ղեկավար Լենա Նազարյանի դիտարկմանը, որ իրենք կողմ են քվեարկել Սերժ Սարգսյանի վարչապետությանը, Վահե Էնֆիաջյանը պատասխանեց․ «Ես Սերժ Սարգսյանի՝ վարչապետ ընտրելու հարցին դեմ եմ քվեարկել, այդ փաստը կա, հրապարակային է այդ ամեն ինչը տեղի ունեցել։ Մեր քաղաքական ուժը ազատ է քվեարկել, մեր խմբակցության զգալի մասը չի մասնակցել քվեարկությանը և մեր խմբակցությունը մի քանի անգամ սրա վերաբերյալ դիրքորոշում ներկայացրել է»։
Մանրամասները՝ տեսանյութում։
