18.07.2026 | 18:00
«Ֆուռերի մեջ բեռնված ձուկը փչանում է, ի՞նչ անենք»․ ՌԴ-ի սահմանափակումներն ու ԵՄ-ի ընձեռած հնարավորությունը․ ՏԵՍԱՆՅՈՒԹ
ՆԱՏՕ-ի գլխավոր քարտուղարը զգուշացրել է Ռուսաստանի և Հյուսիսային Կորեայի ռազմական համագործակցությունից բխող սպառնալիքի մասին
Քաղաքականություն
08.11.2024 | 18:13
ՆԱՏՕ-ի գլխավոր քարտուղար Մարկ Ռյուտեն հայտարարել է, որ Հյուսիսային Կորեայի ռազմական համագործակցությունը Ռուսաստանի հետ Ուկրաինայի դեմ սպառնալիք է, որը դուրս է գալիս Եվրոպայի սահմաններից և պահանջում է հավաքական պատասխան, փոխանցում է VOA-ն:
«Հյուսիսային Կորեայի այս դերը ցույց է տալիս, թե ինչպես են այս երկրները՝ Չինաստանը, Հյուսիսային Կորեան, Ռուսաստանը և Իրանը, գործում միասին»,- Բուդապեշտում եվրոպացի առաջնորդների հետ հանդիպումից առաջ լրագրողների հետ զրույցում ասել է Ռյուտեն։
Նա ընդգծել է՝ եթե Ռուսաստանը հաջողության հասնի Ուկրաինայում, կոգեշնչվի և ավելի լավ կհամալրվի՝ ավելի մեծ վտանգ ներկայացնելով ՆԱՏՕ-ի սահմաններին և ԱՄՆ-ին:
ՆԱՏՕ-ի գլխավոր քարտուղարն ասել է, որ ակնկալում է քննարկումներ Թրամփի նոր վարչակազմի հետ այն մասին, թե «ինչպես մենք միասին կաշխատենք այս սպառնալիքին դիմակայելու և մեր տարածաշրջանի անվտանգությունն ապահովելու համար»:
Սպիտակ տունը հինգշաբթի հայտարարել է, որ Միացյալ Նահանգները կշարունակի օգնություն տրամադրել Ուկրաինային՝ մինչև հունվարին իշխանությունը նորընտիր նախագահ Դոնալդ Թրամփին հանձնելը։
«Այստեղ իրավիճակը չի փոխվի։ Մենք մտադիր ենք ուժեղացնել օգնությունը և այն հասցնել Ուկրաինային։ Մենք հասկանում ենք, թե որքան կարևոր է, որ նրանք ունենան այն ամենը, ինչ անհրաժեշտ է»,- ասել է Սպիտակ տան մամուլի քարտուղար Կարին Ժան-Պիերը։
Թարգմանությունը՝ Տաթև Ֆռանգյանի
