07.10.2026 | 13:32
Դելին ու Երևանը քննարկում են Հայաստանում Pinaka Mk-II-ի արտադրության և հավաքման հնարավորությունը․ հնդկական ԶԼՄ
Վրաստանի դատարանը չի բավարարել ընտրությունների արդյունքները չեղարկելու վերաբերյալ ՀԿ-ների բողոքը
Քաղաքականություն
07.11.2024 | 17:51
Վրաստանի վերաքննիչ դատարանը չի բավարարել հասարակական կազմակերպությունների բողոքը՝ հոկտեմբերի 26-ին անցկացված խորհրդարանական ընտրություններում քվեարկության գաղտնիությունը խախտելու պատճառով հազարից ավելի ընտրատեղամասերի տվյալները չեղյալ հայտարարելու վերաբերյալ։ Այս մասին ասվում է Երիտասարդ իրավաբանների ասոցիացիայի հաղորդագրության մեջ, փոխանցում է NewsGeorgia-ն։
Դատական նիստը տևել է գրեթե 24 ժամ անընդմեջ։ Մեկ վարույթում են միավորվել ՀԿ-ների բողոքներն այն ընտրատեղամասերի վերաբերյալ, որտեղ օգտագործվել են էլեկտրոնային քվեատուփեր։ Հայցվորների պնդմամբ՝ քվեաթերթիկի հետևի հատածը թափանցել է ընտրողների կողմից օգտագործված ֆլոմաստերը, որոնցով նշվել են կուսակցությունները։
Չնայած այն հանգամանքին, որ քվեաթերթիկները լրացուցիչ դրված են եղել ծրարի մեջ, ՀԿ-ների ներկայացուցիչները նշել են, որ հնարավոր է եղել տեսնել, թե ում օգտին են քվեարկել քաղաքացիները, ինչը խախտում է քվեարկության գաղտնիության սկզբունքը։
Վերաքննիչ դատարանը, միաժամանակ, բավարարել է ԿԸՀ-ի բողոքը և բեկանել Տետրիծղարոյի շրջանային դատարանի որոշումը, որը համաձայնվել է հասարակական կազմակերպությունների փաստարկների հետ և չեղյալ է համարել երկու շրջանների քվեարկության արդյունքները։
Երիտասարդ իրավաբանների ասոցիացիայի և մի շարք այլ ՀԿ-ների բողոքները վերաբերում էին արևելյան Վրաստանի վայրերին: Նախկինում արևմտյան Վրաստանում նմանատիպ բողոքները մերժվել էին Քութաիսիի շրջանային դատարանի կողմից։
Թարգմանությունը՝ Տաթև Ֆռանգյանի
