13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Ավստրալիան պատրաստվում է արգելել մինչև 16 տարեկան երեխաների կողմից սոցցանցերի օգտագործումը
Քաղաքականություն
07.11.2024 | 19:07
Ավստրալիայի կառավարությունը քննարկում է 16 տարեկանից փոքր երեխաների համար սոցցանցերի օգտագործումն արգելելու հարցը: Այս մասին հայտնել է Ավստրալիայի վարչապետ Էնթոնի Ալբանեզը։
Նրա խոսքով՝ սոցիալական հարթակներից կպահանջվի պահպանել նոր կանոնները։
«Սոցիալական լրատվամիջոցները վնասում են մեր երեխաներին, և ես կոչ եմ անում դադարեցնել դա»,- ասել է Ալբանեզը:
Օրինագիծը, որը սահմանում է 16 տարեկան տարիքային սահմանափակում սոցիալական ցանցերից օգտվելու համար, նախատեսվում է այս տարի ներկայացնել խորհրդարան, ասել է քաղաքական գործիչը՝ հավելելով, որ տարիքային շեմն ուժի մեջ կմտնի օրենքի ընդունումից 12 ամիս հետո։
Սոցցանցերի հարթակները կտուգանվեն, եթե խախտեն տարիքային սահմանափակումները։
Facebook-ի և Instagram-ի սեփականատեր Meta-ն հայտարարել է, որ ընկերությունը կպահպանի Ավստրալիայի կառավարության առաջարկած տարիքային շեմը։
Միաժամանակ, X հարթակն անմիջապես չի պատասխանել մեկնաբանության խնդրանքին, իսկ TikTok-ը հրաժարվել է մեկնաբանել:
Թարգմանությունը՝ Տաթև Ֆռանգյանի
