08.10.2026 | 15:01
Հայտնի է ազատ ոճի ըմբշամարտի Հայաստանի հավաքականի կազմն ԱԱ-ում
Թրամփի պաշտոնավարման երկրորդ ժամկետը սպառնալիք է մարդու իրավունքների համար ԱՄՆ-ում և աշխարհում․ HRW
Քաղաքականություն
06.11.2024 | 18:23
Դոնալդ Թրամփի երկրորդ ժամկետը Սպիտակ տան ղեկավարի պաշտոնում լուրջ սպառնալիք է մարդու իրավունքների համար ԱՄՆ-ում և աշխարհում։ Նման հայտարարությամբ է հանդես եկել Human Rights Watch միջազգային իրավապաշտպան կազմակերպությունը։
Նշվում է, որ այդ մտահոգություններն արտացոլում է Թրամփի կողմից մարդու իրավունքների խախտումներն իր պաշտոնավարման առաջին ժամկետի ընթացքում, նրա աջակցությունը սպիտակամորթների գերակայության գաղափարախոսություններին, ծայրահեղ հակաժողովրդավարական և հակաիրավական քաղաքականությունը, որն առաջարկվում է նախկին օգնականների կողմից ղեկավարվող վերլուծական կենտրոնների կողմից, ինչպես նաև նախընտրական խոստումները, ներառյալ՝ միլիոնավոր ներգաղթյալների ձերբակալությունն ու արտաքսումը և քաղաքական հակառակորդների հետ հաշվեհարդարը:
«Դոնալդ Թրամփը չի թաքցրել ԱՄՆ-ում միլիոնավոր մարդկանց իրավունքները ոտնահարելու իր մտադրությունը։ Անկախ հաստատությունները և քաղաքացիական հասարակության խմբերը, ներառյալ՝ Human Rights Watch-ը, պետք է անեն ամեն ինչ, որպեսզի նա և նրա վարչակազմը պատասխանատվության ենթարկվեն չարաշահումների համար»,- ասել է Human Rights Watch-ի գործադիր տնօրեն Տիրանա Հասանը։
Կազմակերպությունը նշում է, որ «2025» նախագիծը, որը Թրամփի նախկին խորհրդականների և քաղաքական դաշնակիցների կողմից գրված ծրագիր է, մանրամասնում է բազմաթիվ այլ վիրավորական, հաճախ՝ ռասայական խտրական քաղաքականություն, որոնք կարող է ընդունել նոր վարչակազմը: Թեև Թրամփը հերքել է իր կապը դրա հետ, նրա հայտարարություններից շատերը կրկնում են դրա հիմքերը:
Թրամփը խոստացել է հակահարված տալ իր քաղաքական թշնամիներին։ Ելույթների և նախընտրական հարցազրույցների ընթացքում նա օգտագործում է ավելի ու ավելի վտանգավոր հռետորաբանություն՝ իր քննադատներին անվանելով «ներսից թշնամի»։ Ինչ վերաբերում է արտաքին քաղաքականությանը, իր պաշտոնավարման առաջին ժամկետի ընթացքում Թրամփը պակաս հարգանք է դրսևորել պայմանագրերի, բազմակողմ հաստատությունների կամ ռեպրեսիվ կառավարությունների ներքո ապրող մարդկանց իրավունքները պաշտպանելու ջանքերի նկատմամբ:
Թրամփը դեմ է արտահայտվել մեծ հակամարտությունների և ճգնաժամերի ժամանակ մարդասիրական օգնության ու քաղաքացիական պաշտպանության ջանքերի ֆինանսավորմանը: Թրամփի նոր վարչակազմի օրոք իրավունքները ոտնահարող կառավարությունների հետ հավանական համագործակցությունը վտանգում է այս կառավարություններին քաջալերել՝ հետագայում վնասելու իրենց իրավասության շրջանակում գտնվող մարդկանց։
«Իրավունքները հարգող հաստատությունները և պաշտոնյաները պետք է պահեն գիծը Թրամփի վարչակազմի օրոք։ Համաշխարհային առաջնորդները, դաշնային և պետական աշխատողները, ակտիվիստներն ու շարքային քաղաքացիները դերակատարում ունեն մարդու իրավունքների պաշտպանության և Թրամփի կողմից խոստացած չարաշահումների իրականացման գործում»,- ասել է Հասանը:
Թարգմանությունը՝ Էմմա Չոբանյանի
