07.10.2026 | 12:28
Իսպանացի մրցավարը որակազրկվել է պատանեկան ԵԱ-ում հայ բռնցքամարտիկների մենամարտերում սխալ որոշումների համար
Ադրբեջանի ռեժիմը մեղավոր է հայերի էթնիկ զտման համար․ Գրետա Թունբերգը հայտարարել է Բաքվում COP29-ը բոյկոտելու մասին
Քաղաքականություն
05.11.2024 | 12:21
Հայտնի կլիմայական ակտիվիստ Գրետա Թունբերգը նախօրեին Վրաստանում բողոքի ակցիայի ժամանակ OC Media-ին հայտարարել է, որ Թբիլիսիի փողոցներում է՝ աջակցելու Վրաստանում «ժողովրդավարության համար պայքարին»: Միաժաանակ, նա ասել է, որ Բաքվում կայանալիք COP29-ի դեմ իր բողոքը հիմնավորում է Վրաստանում, քանի որ չի կարող գնալ Ադրբեջան։
«Ես չեմ գնում Ադրբեջան՝ մասնակցելու COP29-ին, դա ծայրահեղ կեղծավորություն է ՄԱԿ-ի Կլիմայի փոփոխության մասին շրջանակային կոնվենցիայի (UNFCCC) կողմից՝ թույլ տալ, որ ևս մեկ ավտորիտար նավթային երկիր ու ռեժիմ հյուրընկալի COP-ը։ Ե՛վ Ադրբեջանում մարդկանց համար է ռեժիմը ռեպրեսիվ, և՛ հայերի համար։ Ադրբեջանի ռեժիմը մեղավոր է հայերի էթնիկ զտման համար, նաև կլիմայի։ Երկիրը, որն այդքան կախված է հանածո վառելիքից և պլանավորում է ընդլայնել հանածո վառելիքի արտադրությունը, հյուրընկալելու է COP-29»,- հայտարարել է Թունբերգը։
Նա նշել է, որ դա «ապտակ է բոլոր այն մարդկանց երեսին, որոնք տառապում են կլիմայական արտակարգ իրավիճակի և Ադրբեջանի ռեժիմի բռնաճնշումներից»։
«Ուստի ես չեմ գնալու COP-ին։ Փակ են նաև ցամաքային սահմանները, եթե ուզենայի էլ, չէի կարողանա գնալ»,- նշել է նա։
Հավելենք, որ Բաքվում COP29-ը տեղի է ունենելու նոյեմբերի 11-22-ը։
Թարգմանությունը՝ Էմմա Չոբանյանի
