03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Ձեր զարդերը նվիրաբերեք ապրիլյան պատերազմի որդեկորույս մոր ֆոնդին. Աննա Հակոբյանի կոչը՝ օլիգարխների տիկնանց. ՏԵՍԱՆՅՈՒԹ
Հասարակություն
15.09.2018 | 14:10
Սիրելի մայրեր, ես ուզում եմ իմ խորին շնորհակալությունը հայտնել ձեզ իմ նախաձեռնած «Կանայք հանուն խաղաղության» արշավին միանալու համար. դիմելով ապրիլյան քառօրյային զոհված զինվորների մայրերին, ասաց ՀՀ վարչապետի տիկին Աննա Հակոբյանը:
«Մենք՝ Հայաստանի ու Արցախի քաղաքացիներս, ողջ աշխարհում ապրող մեր հայրենակիցների հետ միասին մինչև մեր կյանքի վերջ պարտք ենք ձեզ: Որովհետև անհերքելի փաստ է, որ ապրիլյան քառօրյա պատերազմի հանգուցալուծումը մեծապես կախված էր ձեր որդիների ու 18-20 տարեկան մեր տղաների հերոսությունից ու սխրագործությունից: Ես վստահ եմ, որ աշխարհում չկա մի բան, որով կարող ենք մենք ձեզ վարձահատույց լինել, որովհետև դուք հայրենիքին տվել եք ձեր անգինը, ձեր անփոխարինելին: Նրանց հերոսությունը, վստահաբար, գիտակցաբար է տեղի ունեցել, որովհետև այսպիսի մայրերից կծնվեին ու կդաստիարակվեին միմիայն հերոս ու քաջ որդիներ»,- ասաց տիկին Աննան՝ հարց հնչեցնելով՝ արդյոք մայրությունը ճանաչում է ազգություն, քաղաքացիություն, կրոն, մաշկի գույն, ո՛չ իհարկե, մայրությունը ճանաչում է անսահման սեր, գորգուրանք և փաղանշանք և սեփական երեխայի կորստի ցավը բացարձակապես նույնն է բոլոր մայրերի մոտ:
«Ես հույս ունեմ, որ մեր ձայնը կհասնի նաև ադրբեջանցի մայրերին, ու նրանք նույնպես կխոսեն ընդդեմ պատերազմի ու հանուն խաղաղության»,- ասաց վարչապետի տիկինը:
Մանրամասները՝ տեսանյութում;
