23.06.2026 | 14:53
Բաքուն ԱՄՆ Կոնգրեսում Հայաստանի կողմից, իբր, «ադրբեջանցիների էթնիկ զտումների» մասին համաժողով է նախաձեռնել
Զապորոժիեի ԱԷԿ-ում վերականգնվել է ռեակտորից ջրի արտահոսքի պատճառ դարձած ճեղքը
Քաղաքականություն
01.11.2024 | 16:18
Զապորոժիեի ԱԷԿ-ի (ԶԱԷԿ) թիվ 1 էներգաբլոկում հայտնաբերվել և վերանորոգվել է խողովակաշարի միկրոճեղքը, Կոմերսանտի փոխանցմամբ՝ հաղորդում է կայանի մամուլի ծառայությունը։
Ատոմային էներգիայի միջազգային գործակալությունը հաղորդել է ռեակտորի հովացման համակարգի մաս կազմող խողովակաշարում ջրի արտահոսքի մասին: ՄԱԳԱՏԷ-ի գործադիր տնօրեն Ռաֆայել Գրոսսին ասել է, որ միջուկային անվտանգության համար «անմիջական խնդիրներ չեն տեսնում»:
«Զապորոժիեի» ԱԷԿ-ի մամուլի ծառայությունը վստահեցրել է, որ «ոչ մի արտառոց բան տեղի չի ունեցել», և ցանկացած սարքավորում կարող է պարբերաբար խափանվել։
«Խողովակաշարի վրա հայտնաբերված միկրոճեղքը գործընթաց է, որն ուղեկցում է բլոկների շահագործմանը։ Այն բանից հետո, երբ կհաստատվի սարքավորման խտությունը, այն կհանձնվի շահագործման»,- ասել է ԶԱԷԿ-ի տնօրեն Յուրի Չերնիչուկը։
Կայանից պարզաբանել են, որ նախագծով նախատեսված սահմաններից դուրս ռադիոակտիվ նյութերի արտանետում չի եղել։ Կայանի և շրջակա տարածքի ճառագայթային ֆոնը մնում է անփոփոխ։
2022 թվականի հոկտեմբերից ԶԱԷԿ-ը գտնվում է «Ռոսէներգոատոմ»-ի (Ռոսատոմի դուստր ձեռնարկություն) կառավարման ներքո։
Թարգմանությունը՝ Տաթև Ֆռանգյանի
