23.06.2026 | 14:53
Բաքուն ԱՄՆ Կոնգրեսում Հայաստանի կողմից, իբր, «ադրբեջանցիների էթնիկ զտումների» մասին համաժողով է նախաձեռնել
ԵՄ-ն տուգանքների ընթացակարգ է սկսել Temu առցանց խանութի նկատմամբ
Քաղաքականություն
31.10.2024 | 22:59
Եվրահանձնաժողովը տուգանքների ընթացակարգ է բացել չինական առցանց առևտրային հսկայի՝ Temu-ի նկատմամբ։ Բրյուսելում առցանց էժան ապրանքներ վաճառող ընկերությունը կասկածվում է թվային ծառայությունների մասին ԵՄ օրենքը խախտելու մեջ։ Խոսքը կեղծ և վտանգավոր ապրանքների առևտրի մասին է, գրում է DW-ի ռուսական ծառայությունը։
Վարույթի ընթացքում, մասնավորապես, կուսումնասիրվի Temu կայքի դիզայնը։ Դրա քննադատները կարծում են, որ այն ստեղծված է այնպես, որ գնորդների մոտ կախվածություն առաջացնի և նրանց չպլանավորված ծախսերի մղի։
Եվրահանձնաժողովի փոխնախագահ Մարգրետ Վեստագերը չինական ընկերությանը կոչ է արել ապահովել, որ վաճառվող ապրանքները համապատասխանեն ԵՄ չափանիշներին և չվնասեն սպառողներին։ Գերմանիայի տնտեսական հարցերի նախարարությունը, ինչպես նաև սպառողների պաշտպանության ասոցիացիաները հանդես են գալիս ավելի կոշտ միջոցների օգտին Temu-ի և այլ առցանց խանութների դեմ, որոնք վաճառում են էժան ապրանքներ, այդ թվում՝ Shein-ի դեմ:
Իր հերթին, Temu-ն հայտարարել է ԵՄ իշխանությունների հետ համագործակցելու պատրաստակամության մասին։
Ընկերության նպատակն է «անվտանգ և վստահելի շուկան սպառողների համար», ասվում է հայտարարության մեջ:
Թարգմանությունը՝ Տաթև Ֆռանգյանի
