07.10.2026 | 23:48
Արթուր Դանիելյանը կալանավորվեց
Մեծ Բրիտանիայում միջուկային սուզանավերի նավաշինարանում հրդեհ է բռնկվել. ՏԵՍԱՆՅՈՒԹ
Քաղաքականություն
30.10.2024 | 16:26
Բրիտանական BAE Systems պաշտպանական արդյունաբերության ընկերությանը պատկանող Devonshire Dock Hall (DDH) նավաշինարանում հրդեհ է բռնկվել։ «Զգալի հրդեհը» սկսվել է Մեծ Բրիտանիայի հյուսիս-արևմուտքում՝ Բարոու-ին-Ֆերնես քաղաքում, «կեսգիշերից անմիջապես հետո», հայտնել է տեղի ոստիկանությունը, փոխանցում է DW-ի ռուսական ծառայությունը։
Նավաշինարանը կառուցում է բրիտանական միջուկային սուզանավերը։
Միջադեպի հետևանքով երկու մարդ տուժել է, որոնք հոսպիտալացվել են այրման հետևանքով արտանետված նյութերից թունավորման կասկածանքով։ Նավաշինարանում գտնվող բոլոր մարդիկ տարհանվել են, տեղի բնակիչներին խորհուրդ է տրվել փակել դռներն ու պատուհանները և, հնարավորության դեպքում, դուրս չգալ փողոց։
Ոստիկանությունը հավելել է, որ միջուկային միջադեպի վտանգ չկա։ BAE Systems-ը հայտնել է, որ համագործակցում է արտակարգ իրավիճակների ծառայությունների հետ՝ հրդեհը մարելու համար:
Նավաշինարանը, որը գտնվում է Լոնդոնից 350 կմ հյուսիս-արևմուտք, կառուցվել է 150 տարի առաջ։ Ներկայում այն մի քանի միջուկային սուզանավ է կառուցում Մեծ Բրիտանիայի թագավորական նավատորմի համար: Խոսքը Astute և Dreadnought դասի սուզանավերի մասին է, գրում է dpa-ը։
Թարգմանությունը՝ Տաթև Ֆռանգյանի
