23.12.2024 | 23:19
Ադրբեջանում ավելի քան 300 քաղբանտարկյալ կա․ ԱՄՆ դեսպանատունն արձագանքել է Բաքվի մեղադրանքներին
«Ինտեր»-ը փոփոխություն է արել ակումբի մի քանի ֆուտբոլիստի պայմանագրերում, այդ թվում՝ Մխիթարյանի
30.10.2024 | 16:35
Միլանի «Ինտեր»-ը փոփոխություն է կատարել ակումբի մի քանի ֆուտբոլիստների գործող պայմանագրերում` այդ թվում Հենրիխ Մխիթարյանի:
«Արմենպրես»-ի հաղորդմամբ` այս մասին գրում են միջազգային լրատվամիջոցները: Ըստ պարբերականի՝ պայմանագրում փոփոխված նոր կետով հնարավոր կլինի ժամանակից շուտ դադարեցնել համագործակցությունը, որի պարագայում ֆուտբոլիստը հավելավճար կստանա:
Հայաստանի ֆուտբոլի ազգային թիմի նախկին ավագ Հենրիխ Մխիթարյանի գործող պայմանագիրը Միլանի «Ինտեր»-ի հետ նախատեսված է մինչև 2026 թվականը:
Օրեր առաջ Մխիթարյանը մասնակցեց «Յուվենտուս»-ի դեմ խաղին` խփելով Սերիա Ա-ի ընթացիկ մրցաշրջանի իր առաջին գոլը: «Ինտեր»-ը Սերիա Ա-ի մրցաշարային աղյուսակում 2-րդն է (20 միավոր), «Յուվենտուս»-ը` 4-րդն է (16 միավոր): Առաջատարը «Նապոլի»-ն է (22 միավոր):
