26.12.2024 | 11:16
Բայդենը հայտարարել էր, որ ռուսական հրթիռակոծությունից հետո ավելի շատ զենք կուղարկի Ուկրաինա
Ադրբեջանն ու ՆԱՏՕ-ն էներգետիկ անվտանգության հարցեր են քննարկել
Քաղաքականություն
28.10.2024 | 22:14
Բաքվում այսօր տեղի է ունեցել «Ադրբեջան-ՆԱՏՕ» կլոր սեղան՝ նվիրված էներգետիկ անվտանգության և կլիմայի փոփոխության հիմնախնդիրների ուսումնասիրությանը։ Ադրբեջանական լրատվամիջոցների հաղորդմամբ՝ համաժողովը կազմակերպվել է ՆԱՏՕ-ի՝ «Գործընկերություն հանուն խաղաղության» շրջանակային փաստաթղթին Ադրբեջանի միանալու 30-ամյակի շրջանակներում։
Միջոցառմանը մասնակցել են ՆԱՏՕ-ի նորարարության, հիբրիդային հարցերի և կիբերանվտանգության բաժնի կլիմայի ու էներգետիկ անվտանգության հատվածի, դաշինքի անդամ և գործընկեր երկրների ներկայացուցիչներ, այդ թվում՝ համապատասխան ոլորտի փորձագետներ, ինչպես նաև Ադրբեջանի համապատասխան հաստատությունների ակադեմիական ներկայացուցիչներ:
Հաղորդվում է, որ միջոցառման ընթացքում մտքերի փոխանակություն է տեղի ունեցել էներգետիկ անվտանգության հարցերի, Եվրոպայի էներգետիկ անվտանգության ապահովման գործում Ադրբեջանի դերի, կարևոր էներգետիկ ենթակառուցվածքների հնարավոր սպառնալիքների և ռիսկերի, կլիմայի փոփոխության խնդրների շուրջ։
Հատկապես ընդգծվել է Ադրբեջանի դերը՝ «որպես հուսալի գործընկերոջ ու էներգետիկ մատակարարի, ինչպես նաև Բաքվում COP29-ի անցկացման կարևորությունը»։
Թարգմանությունը՝ Էմմա Չոբանյանի
