09.09.2026 | 09:44
Հանրապետությունում ավտոճանապարհներն անցանելի են
Իրաքը բողոքել է ՄԱԿ-ին՝ Իսրայելի կողմից Իրանին հարվածելիս իր օդային տարածքն օգտագործելու համար
Քաղաքականություն
28.10.2024 | 16:19
Իրաքը բողոքի նոտա է հղել ՄԱԿ-ի Անվտանգության խորհրդին և կազմակերպության գլխավոր քարտուղար Անտոնիո Գուտերեշին՝ Իսրայելի կողմից իր օդային տարածքն Իրանին հարվածելու համար օգտագործելու պատճառով: Իրաքի իշխանությունները դա անվանել են երկրի ինքնիշխանության և «օդային տարածքի բացահայտ խախտում», հայտնում է IRNA-ն։
Իրաքի վարչապետ Մուհամմեդ ալ-Սուդանին հանձնարարել է ԱԳՆ-ին խորհրդակցություններ անցկացնել Միացյալ Նահանգների հետ՝ հիմնվելով երկկողմ ռազմավարական շրջանակային համաձայնագրի և «Իրաքի անվտանգությունն ու ինքնիշխանությունը հարգելու՝ Միացյալ Նահանգների պարտավորությունների վրա»:
Իրաքի կառավարության խոսնակն ասել է, որ իշխանությունները հետևում են «տարածաշրջանային կայունության պահպանման քաղաքականությանը» և ձգտում են կանխել «տարածաշրջանային հակամարտություններում իրենց տարածքների ցանկացած չարաշահում»՝ աջակցելով դրանց լուծմանը երկխոսության և փոխըմբռնման միջոցով:
Հոկտեմբերի 26-ի գիշերն Իսրայելի ռազմաօդային ուժերն ավիահարվածներ են հասցրել Իրանի ռազմական օբյեկտներին։ Իրանի իշխանությունները հայտարարել են, որ հարձակումը հետ է մղվել և հանգեցրել է «սահմանափակ վնասի», սակայն կոչ են արել ՄԱԿ-ի Անվտանգության խորհրդի արտակարգ նիստ հրավիրել:
Իսրայելի վարչապետ Բենիամին Նեթանյահուն պնդում է, որ վնասվել են Իրանի պաշտպանական և հրթիռային կարողությունները։
Թարգմանությունը՝ Տաթև Ֆռանգյանի
