04.04.2026 | 20:03
ՃՏՊ՝ հրդեհի բռնկմամբ
ՌԴ Վորոնեժի շրջանը ԱԹՍ-ների հարձակման է ենթարկվել․ կան վիրավորներ
Քաղաքականություն
28.10.2024 | 12:34
ՌԴ Վորոնեժի մարզում անօդաչու թռչող սարքերը հարձակվել են երկու ձեռնարկությունների վրա, կան վիրավորներ, հայտնել է շրջանի նահանգապետ Ալեքսանդր Գուսևը։ Ձեռնարկություններից մեկը գտնվում է Նովոխոպերսկի շրջանում։ Պաշտոնյան չի հստակեցրել, թե որ ձեռնարկության մասին է խոսքը։
Astra տելեգրամ ալիքը, վկայակոչելով տեղի բնակիչներին, հայտնել է, որ խոսքը Կրասնոյե գյուղի «Էթանոլ սպիրտ» սպիրտի թորման գործարանի մասին է։
Գուսևի փոխանցմամբ՝ անօդաչու թռչող սարքի ընկելու հետևանքով վնասվել է մեկ տնտեսական շինության տանիք և մեկ կոնտեյներ, սակայն հրդեհ չի առաջացել։ Ավելի վաղ նա գրել էր, որ երկու բնակելի շենք և մեկ կենցաղային շինություն է վնասվել, մեկ մարդ տուժել է։ Կրասնոյե գյուղում «Էթանոլ սպիրտն» հարձակման էր ենթարկվել նաև հոկտեմբերի 22-ի գիշերը։
Հարձակման ենթարկված երկրորդ ձեռնարկությունը, ըստ Գուսևի, գտնվում է Աննինսկի շրջանում։ Այստեղ երկու մարդ է վիրավորվել։
«Հրդեհը մարվել է գիշերը ժամը 2-ի սահմաններում։ Հրդեհից տուժել են տարբեր նպատակների համար նախատեսված մի քանի շենքեր և շինություններ, ինչպես նաև տեխնիկա։ Հրդեհից վնասվել են մեկ բնակելի շենքի պատուհաններ ու էլեկտրահաղորդման գծի մի հատված»,- գրել է նա։
Թարգմանությունը՝ Տաթև Ֆռանգյանի
https://t.me/factoram/53348?fbclid=IwY2xjawGMEQJleHRuA2FlbQIxMAABHVMRNhDz5kKzUYSVqyiSBsB46xUQ8FE3We_gowH9zrzD9u_SN3QRm31EXw_aem_BzBoHlKSOvFlk1xg6V8TCA
