25.04.2026 | 16:31
Ես դատում եմ և պատրաստ եմ այդ նույն դատով դատվել․ Փաշինյանը՝ քաղաքացուն․ ՏԵՍԱՆՅՈւԹ
ՀՔԾ-ն Քոչարյանին է վերագրում խոսքեր, որոնք չեն ասվել․ Հովհաննես Խուդոյան․ ՏԵՍԱՆՅՈՒԹ
Քաղաքականություն
14.09.2018 | 16:11
Իրավապահները փորձում են հանրությանը հայտնել ցնցող իրողություն, ասում են, որ Տիգրան Աբգարյանը սպանվել է հատուկ ջոկատայինների կողմից, իսկ որպեսզի նման հայտարարություն արվի, այն անողն արդեն կրակողի անունը պետք է իմանար, ավելին՝ տվյալ մարդուն պետք է մեղադրանք առաջադրված լիներ, հետևաբար, նման հայտարարության իմաստն ընդամենը հանրության ուշադրությունը շեղելն է։
Այս մասին այսօր հրավիրված մամուլի ասուլիսի ժամանակ ասաց պաշտպան Հայկ Ալումյանը՝ շեշտելով, որ այս պահի դրությամբ ստացվում է` ապացույցները չկան կամ բավարար չեն մեղադրանք առաջադրելու համար, բայց բավարար են հանրության ուշադրությունը շեղելու համար։
Ասուլիսին ներկա 2-րդ նախագահ Ռոբերտ Քոչարյանի պաշտպաններից Արամ Օրբելյան էլ խնդրի վերաբերյալ նկատեց․«Չընդունելով ՀՔԾ պետի բերած օրինակը, անկախ նրանից՝ ով է սպանել պարոն Աբգարյանին, միևնույնն է, հեռախոսազրույցը դրանից չի արդարացվում, տեղի է ունեցել հեռախոսազրույց, որի ընթացքում արձանագրվել է դատական իշխանությանը միջամտելու փորձ։ Թող հարուցվի գործ Աբգարյանին սպանելու գործով, մեղադրյալն էլ թող պատժվի, որից հետո կասենք շնորհակալություն, պարոն Խաչատրյան, լավ գործ արեցիք։ Մեր բոլորիս նպատակը 10 զոհի սպանության բացահայտումն ու արդարության վերականգնումն է»։
Ռոբերտ Քոչարյանի պաշտպաններից Տիգրան Աբգարյանն էլ նկատեց, որ ՀՔԾ-ն փորձում է կապ ստեղծել Տիգրան Աբգարյանի սպանության և արտակարգ դրության սահմանման հետ։
«ՀՔԾ-ն Քոչարյանին է վերագրում խոսքեր, որոնք չեն ասվել։ Ռոբերտ Քոչարյանը չի նշել Աբգարյանի անունը, նա տվել է ոստիկանության կապիտան Համլետ Թադևոսյանի անունը»,- ասաց Հովհաննես Խուդոյանը։
Մանրամասները՝ տեսանյութում։
