09.09.2026 | 13:07
Օդի ջերմաստիճանը Հայաստանում կբարձրանա 6-8 աստիճանով
Վրաստանի ընտրատեղամասերից մեկում ծեծկռտուք է տեղի ունեցել
Քաղաքականություն
26.10.2024 | 16:24
Վրաստանի Մառնեուլ քաղաքի 74-րդ ընտրատեղամասում ծեծկռտուք է տեղի ունեցել, որի հետևանքով 1 մարդ է տուժել։ Նույն քաղաքի մեկ այլ ընտրատեղամասում քվեաթերթիկների լցոնումներ են արձանագրվել։
Ինչպես հաղորդում է «Ալիք Մեդիա»-ն, դեպքին անդրադարձել է նաև Սալոմե Զուրաբիշվիլին` նշելով, որ «ամոթալի և անբարոյական է էթնիկ փոքրամասնության օգտագործումն ընտրությունները կեղծելու նպատակով»։
Սոցցանցերում տեսանյութ է տարածվել, թե ինչպես են մի քանի քվեաթերթիկներ լցնում քվեատուփի մեջ։
Ավելի ուշ ԿԸՀ մամուլի խոսնակ Նաթիա Իոսելիանին ճեպազրույցում հայտնել է, որ տեղի ունեցած միջադեպի պատճառով նշված ընտրատեղամասի քվեներն անվավեր են ճանաչվել։ Իսկ բռնության դեպքի առնչությամբ Վրաստանի ՆԳՆ-ն հետաքննություն է սկսել։
