Քաղաքականություն
25.10.2024 | 17:18Բագրատ արքեպիսկապոս Գալստանյանը համամիտ չէ, որ դեռևս մայիսին իր նախաձեռնած պայքարը ձախողվել է, քանի որ Նիկոլ Փաշինյանը դեռ իշխանության է։
Նա նախագահական նստավայրի դիմաց բողոքի ակցիայի ժամանակ Factor TV-ի հարցին ի պատասխան ասաց՝ այն փուլը, որը պետք է անցնեին, մինչև օրս չի հաջողվել։ Բագրատ արքեպիսկոպոս Գալստանյանի խոսքով, սակայն, դա չի նշանակում, որ պայքարը չի հաջողելու։
Լրագրողի դիտարկմանը, թե ժամկետներ է նշել, նա արձագանքեց․ «Այո՛, էլի կարող եմ ժամկետներ նշել»։ Բագրատ արքեպիսկոպոս Գալստանյանը նաև անդրադարձել է իր համախոհների ձեռքին գտնվող ծաղրանկարներին։
Նշենք, որ չնայած ՀՀ նախագահ Վահագն Խաչատուրյանն արդեն ստորագրել է ԱԺ-ի կողմից վավերացված ՀՀ-ի և Ադրբեջանի միջև սահմանի սահմանազատման կանոնակարգը՝ Բագրատ արքեպիսկոպոս Գալստանյանի ղեկավարած շարժումը բողոքի ակցիա էր իրականացնում նախագահական նստավայրի դիմաց՝ ընդդեմ սահմանազատման կանոնակարգի ստորագրման։
Մանրամասները՝ տեսանյութում։
