18.07.2026 | 16:50
Ուժեղ քամու հետևանքով խափանվել է Թալին համայնքի մի շարք բնակավայրերի էլեկտրամատակարարումը
Rheinmetall-ն Ուկրաինային է փոխանցել ևս 20 Marder հետևակի մարտական մեքենաներ
Քաղաքականություն
25.10.2024 | 18:09
Գերմանական Rheinmetall կոնցեռնը ևս 20 Marder հետևակի մարտական մեքենաներ է փոխանցել Ուկրաինայի զինված ուժերին: Այս մասին հայտնել է ընկերության մամուլի ծառայությունը, փոխանցում է BBC-ի ռուսական ծառայությունը։
«Marder տարբերակի 1A3 հետևակի մարտական մեքենան, որը Rheinmetall-ը մատակարարում է Ուկրաինային, հագեցած է լրացուցիչ լազերային հեռաչափերով՝ թիրախների արդյունավետ և ճշգրիտ խոցման համար: Rheinmetall խումբը պատվիրել է այս տեսակի 20 մարտական մեքենաների առաջին խմբաքանակը դաշնային կառավարության անունից 2023 թվականի մարտին, որին հաջորդել են հետագա մատակարարումները»,- ասվում է հայտարարության մեջ։
Ըստ Rheinmetall-ի՝ Ուկրաինա ուղարկված մարտական մեքենաների ընդհանուր թիվը կազմում է շուրջ 200 միավոր։ Դրանցից շատերը Marder 1A3 են:
«Marder-ն աշխարհի ամենաստուգված զինատեսակներից մեկն է: Այն մշակվել է Բունդեսվերի համար և մինչ օրս մասամբ օգտագործվում է այնտեղ։ Տարիների ընթացքում այն մի քանի անգամ արդիականացվել և բարելավվել է»,- նշել է Rheinmetall-ը։
Թարգմանությունը՝ Տաթև Ֆռանգյանի
