06.09.2026 | 13:21
Հրդեհ է բռնկվել Երևանի Արարատյան փողոցի բնակարաններից մեկում․ փրկարարները տարհանել են բնակիչներին
Փաշինյանը շտապում է մի թուղթ ցույց տա, որ խաղաղություն է. Ռուստամյան․ ՏԵՍԱՆՅՈՒԹ
Քաղաքականություն
25.10.2024 | 12:16
Ազգային Ժողովի ընդդիմադիր «Հայաստան» խմբակցության պատգամավոր Արմեն Ռուստամյանը կարծում է, որ Հայաստանի իշխանությունը շտապողականություն է ցուցաբերում Ադրբեջանի հետ խաղաղության պայմանագրի ստորագրման հարցում: Ըստ նրա՝ իշխանությունը ցանկանում է «այդ թուղթը, որպեսզի համայն հայությանը ցույց տա, որ ստացել են իրենց խոստացած խաղաղության դարաշրջանը»: Ընդդիմադիր պատգամավորը կարծում է, որ դրանից հետո իշխանությունը կփորձի ճշտել նոր ընտրությունների գնալու ժամանակացույցը: «Եթե գա հերթական ընտրությունների ժամանակը, և դա տեղի ունեցած չլինի, ամբողջությամբ ձախողված է լինելու այս իշխանությունների թե՛ ներքին, թե՛ արտաքին քաղաքականությունը»,- տեսակետ հայտնեց պատգամավորը: Պատգամավորը Ադրբեջանի կողմից չի տեսնում մինչև տարեվերջ խաղաղության պայմանագիր կնքելու ցանկություն: Նրա կարծիքով՝ Ադրբեջանն ու Թուրքիան այդ հարցում շտապողականություն չեն ցուցաբերում, քանի որ համարում են, որ կարող են առանց այդ փաստաթղթի՝ ուժի կիրառման միջոցով ստանալ իրենց ուզածը։
Մանրամասները՝ տեսանյութում։
