18.05.2026 | 10:32
Թանգարանները դառնում են մշակութային երկխոսության և համամարդկային արժեքների ամրապնդման տարածքներ․ ԿԳՄՍ նախարար
«Չեմ կարող 7 միլիոնի ներդրում անել և կորցնել դրանք»․ «Սանիթեք» ընկերության տնօրենը նոր իշխանությունների հետ կքննարկի հետագա աշխատանքը
Տնտեսություն
14.09.2018 | 12:31
«Նոր ձևավորվելիք քաղաքապետարանի հետ պիտի նստենք, քննարկենք և հասկանանք, թե ինչ պիտի անենք։ Չեմ կարող ես 7 միլիոնի ներդրում անել և կորցնել դրանք։ Ամեն ինչ պիտի քննարկենք և հետո հասկանանք, թե ինչ անել։ Այն խնդիրները, որոնց բախվում է «Սանիթեքը» կբախվեն նաև այլ օպերատորներ։ Նույն Նուբարաշենի հետ կապված խնդիրը»,- լրագրողների հետ զրույցում ասաց «Սանիթեք» ընկերության գոործադիր տնօրենը։
Տարոն Մարգարյանի հհրաժարականից հետո Երևանում աղբահանությունը կաթվածահար եղավ և շատերը դա կապեցին աղբահանություն իրականացնող ընկերության և հրաժարական տված քաղաքապետի ունեցած կապի հետ։ Նիկոլաս Թավիլը, սակայն հերքում է այդ կապը՝ ասելով, որ պատրաստ են նոր իշխանությունների հետ ևս համագործակցել, եթե քննարկումը լինի արդյունավետ երկու կողմերի համար էլ․ «Հույս ունեմ, որ բանակցություններն արդյունավետ կլինեն՝ այդ թվում և քաղաքի համար»։
Նիկոլաս Թավիլը կտրականապես հերքում է Տարոն Մարգարյանի՝ իրենց ընկերությունում բաժնեմաս ունենալու խոսակցությունները․ «Ոչ ոք կապ չունի մեր ընկերության հետ, դա անընդունելի է մեզ համար»։
Իսկ, թե ճիշտն են լուրերը, որ աղբատար մեքենաների մի մասը պատկանել է Տարոն Մարգարյանին և նա հրաժարականից հետո մեքենաները դուրս է բերել ընկերությունից՝ հանգեցնելով քաղաքում աղբահանության կաթվածահար վիճակին ասաց․ ««Սանիթեք» ընկերությունը բամասանքների չի անդրադառնում, եթե ունեք փաստեր ներկայացրեք»։
«Սանիթեք» ընկերության գործադիր տնօրենը հավատացնում է, որ հիմա իրենք ձեռնարկում են բոլոր քայլերը առաջիկայում աղբահանության խնդրին պատշաճ լուծում տալու համար։
