23.06.2026 | 14:53
Բաքուն ԱՄՆ Կոնգրեսում Հայաստանի կողմից, իբր, «ադրբեջանցիների էթնիկ զտումների» մասին համաժողով է նախաձեռնել
Եթե հյուսիսկորեացի զինվորականները մարտերի մեջ մտնեն Ուկրաինայում, նրանք օրինական թիրախ կդառնան․ Սպիտակ տուն
Քաղաքականություն
24.10.2024 | 16:46
Սպիտակ տան Ազգային անվտանգության խորհրդի խոսնակ Ջոն Քիրբին հայտարարել է, որ եթե Ռուսաստանում տեղակայված հյուսիսկորեական զորքերը ներգրավվեն Ուկրաինայի մարտերին, նրանք օրինական թիրախ կդառնան, փոխանցում է BBC-ի ռուսական ծառայությունը։
«Եթե հյուսիսկորեացի զինվորները որոշեն ռազմական գործողություննների մեջ մտնել Ուկրաինայում, նրանք կդառնան օրինական ռազմական թիրախներ։ Մենք դեռ չգիտենք՝ արդյո՞ք այդ զինվորները կռվելու են ռուսական բանակի կողքին։ Բայց դրա հավանականությունը խիստ մտահոգիչ է»,- ասել է Քիրբին մամուլի ասուլիսի ժամանակ:
Նա նաև հայտարարել է, որ ԱՄՆ-ի տվյալներով՝ առնվազն 3 հազար հյուսիսկորեացի զինվոր է այժմ գտնվում Ռուսաստանում, նրանց ծովով Վլադիվոստոկ են բերել հոկտեմբերի սկզբից մինչև հոկտեմբերի կեսերը։ Զինվորականները ցրվել են Ռուսաստանի արևելյան շրջանի ուսումնամարզական հավաքակայաններում:
ԱՄՆ ներկայացուցիչները միայն չորեքշաբթի են սկսել հաստատել, որ ապացույցներ ունեն ՌԴ տարածքում հյուսիսկորեական զորքերի առկայության մասին։ Նախկինում այս մասին խոսում էին Կիևում և Սեուլում։
Մոսկվան խուսափել է դրա վերաբերյալ հարցերից, իսկ հյուսիսկորեացի դիվանագետներն ավելի վաղ հերքել են Ռուսաստան զորքեր ուղարկելու մասին լուրերը:
Թարգմանությունը՝ Տաթև Ֆռանգյանի
