26.05.2026 | 23:35
Վաղը առավոտյան ՀՀ ԶՈՒ ավիացիան Երևանի կենտրոնում կատարելու է թռիչք. ՊՆ
Հնդկաստանի վարչապետը կրճատել է մասնակցությունը ԲՐԻԿՍ-ի գագաթնաժողովին՝ Գերմանիայի կանցլերի հետ հանդիպելու համար
Քաղաքականություն
24.10.2024 | 13:18
Հնդկաստանի վարչապետ Նարենդրա Մոդին չի սպասել Կազանում ԲՐԻԿՍ-ի գագաթնաժողովի ավարտին և վաղաժամ ավարտել է այցը՝ հոկտեմբերի 23-ին վերադառնալով Նյու Դելի։ Այս մասին X-ում հայտնել է երկրի ԱԳՆ պաշտոնական ներկայացուցիչ Ռանդհիր Ջեյսվալը։
Մոդին հոկտեմբերի 22-ին մասնակցել է գագաթնաժողովի ընդլայնված նիստին, այնուհետև դեմ առ դեմ զրույց ունեցել Ռուսաստանի նախագահ Վլադիմիր Պուտինի հետ։ Հաջորդ օրը Հնդկաստանի վարչապետը ևս մի քանի երկկողմ հանդիպումներ է ունեցել և հրաժեշտ տվել՝ իր պատվիրակության ղեկավարությունը հանձնելով արտգործնախարար Սուբրահմանիյամ Ջայշանկարին։
Մոդին կրճատել է մասնակցությունը Կազանի գագաթնաժողովին Գերմանիայի կանցլեր Օլաֆ Շոլցի հետ հանդիպման պատճառով։ Վերջինը հոկտեմբերի 24-ին կժամանի Հնդկաստան՝ պաշտպանության ու անվտանգության ոլորտում համագործակցությունն ամրապնդելու նպատակով։
Երկու երկրների կառավարությունների ղեկավարները կքննարկեն նաև երկկողմ հարաբերությունների զարգացումն այլ ոլորտներում։ Հնդկաստանի ԱԳՆ-ն պարզաբանել է, որ Շոլցը պաշտոնական այցով Հնդկաստան կժամանի Մոդիի անձնական հրավերով։
Թարգմանությունը՝ Տաթև Ֆռանգյանի
