05.04.2026 | 21:21
Բախվել են VAZ և KIA մակնիշների ավտոմեքենաները․ կան տուժածներ և զոհ
Անկարայում ահաբեկչությանն ի պատասխան՝ Թուրքիան PKK-ի դեմ գործողություն է իրականացրել Սիրիայում և Իրաքում
Քաղաքականություն
24.10.2024 | 12:34
Անկարայում նախօրեին TUSAŞ ռազմարդյունաբերական գործարանում իրականացված ահաբեկչությանն ի պատասխան՝ Թուրքիան ռազմական գործողություն է իրականացրել Իրաքի և Սիրիայի հյուսիսում, հայտնել է Թուրքիայի ՊՆ-ն։
Նշվում է, որ գործողության ընթացքում ոչնչացվել է ահաբեկչական կազմակերպություններին, այդ թվում՝ PKK-ին պատկանող 32 օբյեկտ, վնասազերծվել են մեծ թվով ահաբեկիչներ։ Ըստ պաշտոնական հաղորդագրության՝ գործողությունն իրականացվել է հոկտեմբերի 23-ին՝ ՄԱԿ-ի կանոնադրության 51-րդ հոդվածով ամրագրված ինքնապաշտպանության իրավունքի շրջանակում։ Որպես գործողության նպատակ նշվում է՝ չեզոքացնել ահաբեկչական սպառնալիքները և ապահովել Թուրքիայի սահմանների անվտանգությունը։
Թուրքիայի հետախուզական գործակալությունն իր հերթին հայտնել է, որ «ահաբեկչական PKK/YPG կազմակերպությանը պատկանող բազմաթիվ օբյեկտներ են թիրախավորվել Սիրիայի և Իրաքի հյուսիսում»։
Նշվում է, որ կազմակերպությանը պատկանող բազմաթիվ, այդ թվում՝ ռազմական, հետախուզական, էներգետիկ ենթակառուցվածքային օբյեկտները, նյութատեխնիկական ապահովման և զինամթերքի պահեստները ոչնչացվել են։
Թարգմանությունը՝ Էմմա Չոբանյանի
