09.09.2026 | 10:41
Հրդեհ Քարաբերդում․ այրվել է մոտ 700 հակ անասնակեր
ԱՄՆ-ն անկասկած պատրաստ է կին նախագահ ունենալ. Հարիս
Քաղաքականություն
23.10.2024 | 18:25
Նախագահի դեմոկրատ թեկնածու Քամալա Հարիսը հայտարարել է՝ չի կասկածում, որ ԱՄՆ-ը պատրաստ է կին նախագահ ունենալ՝ պնդելով, որ ամերիկացիներն ավելի շատ մտածում են, թե ինչ կարող են անել թեկնածուներն իրենց օգնելու համար, այլ ոչ թե նախագահի թեկնածուների սեռի մասին, գրում է The Guardian-ը:
Փոխնախագահի հայտարարությունը հնչել է NBC News-ի հաղորդավար Հոլլի Ջեքսոնի հետ հարցազրույցի ժամանակ, որը հարցրել է՝ արդյո՞ք երկիրը պատրաստ է, որ կինը և գունավոր մաշկ ունեցողը լինի Օվալաձև կաբինետում։
«Անկասկած։ Ես կին եմ և դա ոչ մեկին մատնանշելու կարիք չունեմ: Մարդկանց մեծամասնությանն իրականում հետաքրքրում է՝ կարո՞ղ ենք անել աշխատանքը և ունե՞նք ծրագիր, որի վրա կարող ենք կենտրոնանալ»,- ասել է Հարրիսը:
Ըստ նրա՝ ամերիկացիներն արժանի են իրենց խնդիրների վրա կենտրոնացած նախագահ ունենալ՝ «ի տարբերություն Դոնալդ Թրամփի, որն անընդհատ կենտրոնացած է իր վրա»։
Հարիսը նաև ասել է՝ տեղյակ է, որ Թրամփը կարող է փորձել տապալել նախագահական ընտրությունների արդյունքները՝ նշելով, որ իր թիմը «կաշխատի ընտրությունների գիշերը և դրանց հաջորդող օրերին»:
Թարգմանությունը՝ Տաթև Ֆռանգյանի
