09.09.2026 | 11:48
ԱՄՆ-ն հայտնել է իրանական 5 լցանավերի ոչնչացման մասին․ Թեհրանը թիրախավորել է Հորդանանում ամերիկյան ռազմաբազան
Սի Ցզինպինը ԲՐԻԿՍ-ի գագաթնաժողովում հրաժարվել է երթևեկել Պուտինի լիմուզինով
Քաղաքականություն
23.10.2024 | 17:48
Կազանում ԲՐԻԿՍ-ի գագաթնաժողովին ժամանած օտարերկրյա պետությունների ղեկավարներից ոմանք փոխադրման համար ընտրել են ռուսական Aurus մեքենան։ Չինաստանի նախագահ Սի Ցզինպինը, սակայն, հրաժարվել է ռուսական ավտոմեքենայից՝ նախընտրելով չինական պրեմիում դասի լիմուզինը՝ «Կարմիր դրոշը», գրում է The Moscow Times-ը՝ վկայակոչելով միջոցառումից հրապարակված կադրերը:
Հոկտեմբերի 22-ից 24-ը Կազանում կայանալիք ԲՐԻԿՍ-ի գագաթնաժողովին մասնակցում են Չինաստանի ղեկավար Սի Ցզինպինը, Հնդկաստանի վարչապետ Նարենդրա Մոդին, Եգիպտոսի նախագահ Աբդել Ֆաթթահ աս-Սիսին, Իրանի նախագահ Մասուդ Փեզեշքիանը և Հարավային Աֆրիկայի նախագահ Սիրիլ Ռամաֆոսան։
Ընդհանուր առմամբ, միջոցառմանը ներկա են եղել ավելի քան 30 երկրների ներկայացուցիչներ, այդ թվում՝ Բելառուսի, Կոնգոյի, Մոնղոլիայի, Պաղեստինի, Լաոսի, Եթովպիայի և Մալայզիայի հանրապետություններից: Հայտարարվել է նաև ԲՐԻԿՍ-ի գագաթնաժողովին ՀՀ վարչապետ Նիկոլ Փաշինյանի մասնակցության մասին։
Պետությունների ղեկավարների մակարդակով ներկայացված է 22 երկիր։ Բացի այդ, գագաթնաժողովին մասնակցում է ՄԱԿ-ի գլխավոր քարտուղար Անտոնիո Գուտերեշը։
Թարգմանությունը՝ Տաթև Ֆռանգյանի
