Քաղաքականություն
23.10.2024 | 18:35
Թուրքիան կարող է միանալ ԲՐԻԿՍ-ին՝ լինելով ՆԱՏՕ-ի անդամ, հենց դա էլ գրավիչ է դարձնում այդ միավորումը։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, գրում է «Ինտերֆաքսը»։
«ԲՐԻԿՍ-ի և նրա հիմնական մոտեցումների տեսանկյունից այստեղ որևէ առարկություն չկա։ ԲՐԻԿՍ-ի շրջանակում համագործակցության գրավչությունն այն է, որ ոչ ոք «կամ-կամ»-ի հարց չի դնում: Սա պայման է, որը սիրում են դնել ՆԱՏՕ-ն ու ԵՄ-ն»,- ասել է Պեսկովը՝ պատասխանելով հարցին՝ կարո՞ղ է, արդյոք, Թուրքիան միանալ կազմակերպությանը՝ լինելով ՆԱՏՕ-ի անդամ։
Հավելենք, որ Թուրքիայի նախագահ Ռեջեփ Թայիփ Էրդողանը ժամանել է Կազան՝ մասնակցելու ԲՐԻԿՍ-ի գագաթնաժողովին։
Թարգմանությունը՝ Էմմա Չոբանյանի
