18.07.2026 | 16:19
Սպասվում է կարճատև անձրև և ամպրոպ
ԱՄՆ-ում McDonald’s-ում թունավորումների տասնյակ դեպքեր են գրանցվել
Քաղաքականություն
23.10.2024 | 23:04
McDonald’s արագ սննդի ռեստորանների բաժնետոմսերի արժեքը կտրուկ անկում է ապրել այն բանից հետո, երբ ԱՄՆ-ում այս հաստատության մի շարք մասնաճյուղերում աղիքային ցուպիկով թունավորման տասնյակ դեպքեր են գրանցվել: Մեկ տարեց հաճախորդ մահացել է, ևս տասը՝ հոսպիտալացվել McDonald’s այցելելուց հետո։ DW-ի ռուսական ծառայության փոխանցմամբ՝ այս մասին հայտնել են ԱՄՆ առողջապահական ոլորտի պատասխանատուները։
Ընդհանուր առմամբ, տասը նահանգներում գրանցվել է թունավորման 49 դեպք։ Ամենաշատ տուժածները Կոլորադոյում և Նեբրասկայում են։
Այն բանից հետո, ինչ հայտնի է դարձել թունավորումների մասին, McDonald’s-ի ակցիաների արժեքը շուրջ 6 տոկոսով անկում է ապրել։
Ըստ արագ սննդի ցանցի ղեկավարության՝ աղիքային ցուպիկը, ըստ երևույթին, հայտնաբերվել է կտրատված սոխի մեջ, որն օգտագործվել է «Royal Cheeseburger»-ի պատրաստման համար։ Սոխի այս խմբաքանակը ստացել են մատակարարից, որը սպասարկում է Միացյալ Նահանգներում երեք բաշխիչ կենտրոնները:
ԱՄՆ հինգ նահանգներում, ինչպես նաև յոթ նահանգների որոշ տարածքներում «Royal Cheeseburgers»-ը ժամանակավորապես հանվել է վաճառքից:
Թարգմանությունը՝ Տաթև Ֆռանգյանի
