18.07.2026 | 19:52
6-7 մլն դրամ հոսանքի պարտք ունենք. եթե անջատեն, 200 տոննա ձուկ կսատկի. ձկնաբույծ. ՏԵՍԱՆՅՈՒԹ
Միլիոնավոր ամերիկացիներ արդեն քվեարկել են ԱՄՆ նախագահական ընտրություններում
Քաղաքականություն
23.10.2024 | 15:30
Միլիոնավոր ամերիկացիներ արդեն մասնակցել են ԱՄՆ նախագահական ընտրություններին. մինչ այժմ ավելի քան 17 միլիոն ընտրող քվեաթերթիկներ է ուղարկել փոստով կամ քվեարկել նախապես բացված ընտրատեղամասերում, փոխանցում է DW-ի ռուսական ծառայությունը:
Չորս տարի առաջ, երբ նախագահական ընտրություններն անցկացվեցին համաճարակի պայմաններում, ավելի քան 100 միլիոն մարդ վաղաժամ քվեարկեց։ Վերլուծաբաններն ասում են, որ այս տարի վաղաժամ քվեարկության հանրաճանաչությունը վկայում է քվեարկության սովորությունների փոփոխության մասին:
2020 թվականի սկզբին քվեարկելու հնարավորությունից երկու անգամ ավելի շատ դեմոկրատներ, քան հանրապետականներ են օգտվել, ինչը, ըստ փորձագետների, կարող էր նպաստել դեմոկրատ թեկնածու Ջո Բայդենի հաղթանակին:
Դեմոկրատներն այս տարի նույնպես ավելի ակտիվ են, սակայն վաղաժամ քվեարկած հանրապետականների թիվը կտրուկ աճել է՝ համաձայն մի քանի առանցքային նահանգների քվեարկության տվյալների:
ԱՄՆ-ում նախագահական ընտրությունները տեղի կունենան նոյեմբերի 5-ին։ Երկրի ամենաբարձր պետական պաշտոնը զբաղեցնելու հայտ են ներկայացրել Հանրապետական կուսակցության թեկնածու, նախկին նախագահ Դոնալդ Թրամփը և Դեմոկրատական կուսակցության թեկնածու, ԱՄՆ գործող փոխնախագահ Քամալա Հարիսը։
Թարգմանությունը՝ Տաթև Ֆռանգյանի
