14.07.2026 | 18:19
Սևանի ափին գտնվող 2.5 հա հողատարածքը վերադարձվել է պետությանը. այն վարձակալել էր Կարապետ Գուլոյանը
Առնվազն առանց ռազմագերիների վերադարձի հայկական պատվիրակություն չպետք է գնա Բաքու՝ COP29-ին. Բորիս Նավասարդյան․ ՏԵՍԱՆՅՈՒԹ
Քաղաքականություն
22.10.2024 | 18:30
Եթե հայկական կողմին չվերադարձնեն ռազմագերիներին կամ խաղաղության պայմանագիր չստորագրվի, հայկական պատվիրակությունը չպետք է մասնակցի COP29-ին։ Factor TV-ի հետ զրույցում նման տեսակետ է հայտնում քաղաքական վերլուծաբան Բորիս Նավասարդյանը։
Ըստ նրա՝ բացի այդ, որ Բաքու հայկական պատվիրակության այցը ոչինչ չի տա, Ադրբեջանն ինքն արդեն չի ուզում կլիմայական այդ համաժողովին հայկական կողմի մասնակցություն։
Մի քանի ամիս առաջ, Բորիս Նավասարդյանի խոսքով, Ադրբեջանը խաղադրույք էր անում Դոնալդ Թրամփի հաղթանակի վրա, և վերջին շրջանի նրա պահվածքը վկայում է հենց այդ հաշվարկի իրականացման մասին։
«Մինչև ԱՄՆ-ում ընտրությունների արդյունքները Ադրբեջանը լուրջ չի վերաբերվի Հայաստանի հետ հարաբերությունները կարգավորելու՝ Վաշինգտոնի առաջարկին»,- նշում է փորձագետը՝ մեկնաբանելով ԱՄՆ նախագահի հատուկ օգնական Մայքլ Քարփենթերի՝ Բաքու այցը և Հայաստանի հետ մինչև տարեվերջ խաղաղություն հաստատելու կոչով ԱՄՆ նախագահ Ջո Բայդենի՝ Ալիևին ուղղված նամակը։
Ըստ Նավասարդյանի՝ Հայաստանի և Ադրբեջանի միջև հարաբերությունների կարգավորման ավելի իրատեսական սցենար է կարգավորման սկզբունքների մասին շրջանակային փաստաթղթի ստորագրումը՝ միանշանակ հստակ ձևակերպմամբ, թե ինչպես է ընկալվում տարածքային ամբողջականության սկզբունքը։
Հարցազրույցն ամբողջությամբ՝ տեսանյութում։
Սամվել Մելիքսեթյան
