07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
Իրանը հայտարարում է, որ իր հարևանները խոստացել են թույլ չտալ իրենց տարածքն օգտագործել Թեհրանի դեմ հարձակումների համար
Քաղաքականություն
22.10.2024 | 15:09
Իրանի հարևանները խոստացել են, որ թույլ չեն տա իրենց «ցամաքային կամ օդային տարածքն» օգտագործել որևէ հարձակման համար։ Այս մասին հայտարարել է Իրանի արտաքին գործերի նախարար Աբբաս Արաղչին, գրում է AFP-ը։
«Մեր բոլոր հարևանները վստահեցրել են, որ թույլ չեն տա, որ իրենց հողը կամ օդային տարածքն օգտագործվի Իրանի Իսլամական Հանրապետության դեմ»,- ասել է Արաղչին Քուվեյթում կայացած մամուլի ասուլիսում։
Քուվեյթից առաջ նա Բահրեյնում էր՝ տարածաշրջանային շրջագայության շրջանակում, մինչ այդ, Իրանի ԱԳ նախարարը եղել է Սաուդյան Արաբիայում, Կատարում, Օմանում, Իրաքում, Եգիպտոսում և Թուրքիայում։
«Մենք ուշադիր հետևում ենք տարածաշրջանում ամերիկյան բազաների տեղաշարժին, տեղյակ ենք նաև նրանց բոլոր թռիչքների մասին։ Եթե Իսրայելը որևէ ձևով հարձակվի Իրանի վրա, Իրանը կպատասխանի նույն ձևաչափով»,- ասել է Արաղչին։
Նա կրկնել է Իրանի նախազգուշացումներն Իսրայելին՝ չհարձակվել իր միջուկային օբյեկտների վրա։
«Միջուկային օբյեկտների վրա հարձակումը միջազգային հանցագործություն է, միջուկային օբյեկտների վրա հարձակվելու սպառնալիքն անգամ հանցագործություն է, դեմ է միջազգային իրավունքներին։ Մեզ և միջուկային օբյեկտները պաշտպանելու համար ունենք մեր սեփական գործիքներն ու մեթոդները և ապավինում ենք դրանց»,- հայտարարել է Իրանի ԱԳ նախարարը։
Թարգմանությունը՝ Էմմա Չոբանյանի
