26.06.2026 | 18:39
Փաշինյանը AMAA բարեգործական ՀԿ–ի նախագահի հետ քննարկել է Վարդենիսում նոր կրթահամալիրի կառուցմանը վերաբերող հարցեր
Հակոբ Արշակյանը հանդիպել է Սինգապուրի խորհրդարանի նախագահի հետ
Քաղաքականություն
21.10.2024 | 16:46
Լաոսի մայրաքաղաք Վիենտյանում ԱԺ նախագահի տեղակալ Հակոբ Արշակյանը հանդիպել է Սինգապուրի խորհրդարանի նախագահ Սեհ Կիան Պենգի հետ․ տեղեկացնում են ՀՀ ԱԺ-ից։
Սինգապուրի խորհրդարանի նախագահը նշել է, որ Հայաստանի եւ Սինգապուրի հարաբերությունները գտնվում են բարձր մակարդակում եւ ուրախությամբ ընդգծել 2019 թվականին Հայաստանի եւ Սինգապուրի վարչապետների փոխադարձ այցերը:
Սեհ Կիան Պենգն ուրախությամբ ողջունել է Հայաստանի՝ ԱՍԵԱՆ միջխորհրդարանական վեհաժողովի դիտորդ-անդամ դառնալու հանգամանքը եւ Միջխորհրդարանական միության շրջանակում ակտիվ համագործակցությունը:
ԱԺ նախագահի տեղակալը ներկայացրել է ՀՀ կառավարության կողմից նախաձեռնած «Խաղաղության խաչմերուկ» նախագիծը եւ Հայաստանի ու Ադրբեջանի միջեւ խաղաղության պայմանագրի գործընթացը:
Սինգապուրի խորհրդարանի նախագահն իր աջակցությունն է հայտնել խաղաղության գործընթացին եւ կարեւորել այս գործընթացում համապարփակ խաղաղության եւ կայունության հաստատումը՝ բացառելով ուժի եւ ուժի սպառնալիքի կիրառման դրսեւորումները:
Հանդիպման մասնակիցները երկուստեք պատրաստակամություն են հայտնել նպաստելու երկու երկրների միջեւ հարաբերությունների զարգացմանը:
