08.10.2026 | 15:33
Նորմալ չէ, իշխանական կառույցներն օգտագործվում են որպես քարոզչական գործիք ընդդիմադիրների դեմ. Քոչարյան․ ՏԵՍԱՆՅՈՒԹ
Թրամփը պնդում է, որ սպառնացել է Պուտինին․ «Եթե հետապնդես Ուկրաինային, ուղիղ գրողի տարած Մոսկվային կխփեմ»
Քաղաքականություն
21.10.2024 | 16:18
Հանրապետական կուսակցությունից ԱՄՆ նախագահի թեկնածու Դոնալդ Թրամփը հայտարարել է, թե սպառնացել է Ռուսաստանի նախագահ Վլադիմիր Պուտինին Մոսկվային ուղղված հարվածով՝ Ուկրաինայի վրա հարձակման դեպքում։ Այս մասին Թրամփը հայտարարել է The Wall Street Journal-ին տված հարցազրույցում։
«Ես ասացի՝ «Վլադիմիր, եթե դու հետապնդես Ուկրաինային, ես քեզ այնքան ուժգին կհարվածեմ, որ նույնիսկ չես հավատա։ Ես կհարվածեմ ուղիղ գրողի տարած Մոսկվայի կենտրոնին (in the middle of fricking Moscow)»: Ես ասացի՝ «Մենք ընկերներ ենք, ես չեմ ցանկանում դա անել, բայց ես այլընտրանք չունեմ»»,- հարցազրույցի ժամանակ պատմել է Թրամփը։
Նրա խոսքով՝ Պուտինը պատասխանել է «No way» (թարգմանաբար՝ ոչ մի դեպքում)։
«Ես ասացի՝ «Այնպիսի հարված կհասցնեմ և քո գլխից կհանեմ այդ գմբեթները»։ Դե, գիտեք, նա գմբեթների տակ է ապրում»,- հավելել է ԱՄՆ նախագահի թեկնածուն։
Թրամփը չի հստակեցրել, թե երբ և ինչ հանգամանքներում է տեղի ունեցել իր զրույցը Պուտինի հետ։ Նա հավելել է, որ «գերազանց հարաբերություններ» է ունեցել Ռուսաստանի նախագահի, ինչպես նաև Չինաստանի առաջնորդ Սի Ցզինպինի հետ։ Ե՛վ Սի Ցզինպինը, և՛ Վլադիմիր Պուտինը, ըստ Թրամփի, գիտեն, որ նա «խելագար է» («fucking crazy»)։
Թարգմանությունը՝ Տաթև Ֆռանգյանի
