23.11.2024 | 13:49
Նույնիսկ Անգլիայում՝ 38 հազարանոց մարզադաշտում, զգում էինք ահռելի աջակցություն Նոայի երկրպագուներից․ Ավանեսյան
Իրանը նախազգուշացրել է ՄԱԳԱՏԷ-ին իր միջուկային օբյեկտների նկատմամբ Իսրայելի սպառնալիքների մասին
Քաղաքականություն
21.10.2024 | 16:35
Իրանը նամակով դիմել է ՄԱԿ-ի միջուկային վերահսկողության կազմակերպությանը՝ բողոքելով իր միջուկային օբյեկտների դեմ Իսրայելի սպառնալիքներից։ Այս մասին մամուլի ասուլիսում հայտարարել է Իրանի ԱԳՆ խոսնակ Էսմայիլ Բաղային, գրում է Reuters-ը, որին վկայակոչում է Al Arabiya-ն։
Իսրայելը խոստացել է հարձակվել Իրանի վրա՝ ի պատասխան հոկտեմբերի 1-ի հրթիռակոծության։ Լուրեր են տարածվում, որ Իրանի միջուկային օբյեկտները կարող են լինել Իսրայելի թիրախների թվում:
«Միջուկային օբյեկտների վրա հարձակման սպառնալիքները հակասում են ՄԱԿ-ի բանաձևերին և դատապարտելի են։ Մենք այդ մասին նամակ ենք ուղարկել ՄԱԿ-ի միջուկային հսկիչ մարմնին»,- ասել է Իրանի ԱԳՆ խոսնակը։
Նա նաև հայտնել է, որ Իրանի արտաքին գործերի նախարար Աբբաս Արաղչին երկուշաբթի մեկնելու է Բահրեյն և Քուվեյթ՝ տարածաշրջանային լարվածությունը զսպելու Իրանի ջանքերի շրջանակում:
Թարգմանությունը՝ Էմմա Չոբանյանի
