09.09.2026 | 10:27
Հայաստանում սպասվում է ջերմաստիճանի զգալի բարձրացում. Լևոն Ազիզյան
ՌԴ-ն հարված է հասցրել Զապորոժիեի բնակելի թաղամասին․ վնասվել է 30 տուն
Քաղաքականություն
21.10.2024 | 14:52
Ռուսական զորքերը հարվածներ են հասցրել ուկրաինական Զապորոժիե քաղաքի բնակելի թաղամասի, յոթ մարդ վիրավորվել է, հայտնել է շրջանային ռազմական վարչակազմի ղեկավար Իվան Ֆյոդորովը։ Նրա խոսքով՝ 49-ամյա տղամարդը և 48-ամյա կինը գտնվում են ծանր վիճակում։ Եվս երեք հոգու վիճակ միջին ծանրության է։
Ֆյոդորովը հայտնել է նաև, որ վնասվել է 30 տուն, գրում է Current Time-ը։
Հիշեցնենք՝ հոկտեմբերի լույս 21-ի գիշերը ՌԴ-ն հարվածներ է հասցրել Խարկովին՝ վիրավորելով 13 մարդու։
«Պայթյունների հետևանքով վնասվել են էլեկտրահաղորդման գծեր, բազմաբնակարան շենքեր, ավտոտնակներ, գազալցակայաններ, մասնավոր տներ և ավտոմեքենաներ»,- ասվում է արտակարգ իրավիճակների պետական ծառայության հաղորդագրության մեջ։
Կիևում անօդաչու թռչող սարքերի գրոհից հետո դրանց բեկորները հայտնաբերվել են մայրաքաղաքի երեք թաղամասերում, վիրավորվել է տեղի բնակիչ։
Թարգմանությունը՝ Տաթև Ֆռանգյանի
