14.01.2026 | 09:58
Որոնք են ԹՐԻՓՓ-ի հաջողության հասնելու նախադրյալները․ ՀՀ-ն ու ԱՄՆ-ը 5 կետ են առանձնացրել
ԱԻՆ խնդիրների օրակարգում է աղետներին երեխաների պատրաստվածության հիմնահարցը
Հասարակություն
12.07.2017 | 18:14
ՀՀ ԱԻ նախախար Դավիթ Տոնոյանը հուլիսի 12-ին ընդունեց «Սեյվ դր չիլդրեն» (Save the children) կազմակերպության հայաստանյան գրասենյակի ներկայացուցիչներ` ԱՌՆ ծրագրի համակարգող Գուրամ Մատիաշվիլիին և Կրթության և երիտասարդության հարցերով փորձագետ Իռեն Սարգսյանին: Այս մասին տեղեկացրին ՀՀ արտակարգ իրավիճակների նախարարությունից:
Հանդիպման ընթացքում քննարկվել են աղետների ռիսկի նվազեցման ոլորտում «Սեյվ դր չիլդրեն» կազմակերպության հետ համատեղ իրականացվող միջոցառումների ուղություններն ու նպատակները «Հարավային Կովկասում Եվրոպական միության Մարդասիրական օգնության և քաղաքացիական պաշտպանության հարցերով գլխավոր վարչության (ECHO) կողմից աղետների ռիսկի նվազեցմանն ուղղված միջամտությունների ինստիտուտցիոնալացումը, վերարտադրումն ու տարածումը» ծրագրի շրջանակում:
Նախնական պայմանավորվածություն է ձեռքբերվել տարբեր տարիքային խմբերի երեխաների համար նախատեսված կրթական տեղեկատվական նյութերի թվայնացման և մեկ ընդհանուր հարթակում այդ նյութերի հավաքագրման վերաբերյալ, որպեսզի վերջիններս հեշտ հասանելի լինեն հասարակության բոլոր շահառու խմբերի համար: Կողմերը կարևորել են աղետների ռիսկի նվազեցման բաղադրիչի ներառումը կրթական ծրագրերում՝ նպատակ ունենալով ուսուցման միջոցով բարձրացնել աղետներին և արտակարգ իրավիճակներին երեխաների պատրաստվածության մակարդակը:
Քննարկվել են նաև աղետների ռիսկի նվազեցման հարցում ԶԼՄ-ների դերակատարության խնդիրները՝ որպես կրթական բաղադրիչ պարունակող տեղեկատվության տարածման լավագույն միջոց և գործընկեր: Նախնական պայմանավորվածություն ձեռքբերվեց նաև կրթական միջոցառումներ նախաձեռնել ԶԼՄ-ների ներկայացուցիչների համար՝ արտակարգ իրավիճակների և պատահարների լուսաբանումն առավել արդյունավետ և ուսուցանող դարձնելու նպատակով:
