08.10.2026 | 12:30
Ուկրաինական ԱԹՍ-ները հարվածել են Ռյազանում «Յանդեքս»-ի տվյալների կենտրոնին և Բաշկորտոստանում նավթավերամշակման գործարանին
ՀԱՄԱՍ-ը հաստատել է քաղբյուրոյի ղեկավար Յահյա Սինվարի մահը
Քաղաքականություն
18.10.2024 | 18:50
Պաղեստինյան ՀԱՄԱՍ շարժումը հաստատել է կազմակերպության ղեկավար Յահյա Սինվարի մահը Գազայի հատվածում։ Համապատասխան հայտարարությունն արել է շարժման քաղբյուրոյի ղեկավարի տեղակալ Խալիլ ալ-Հայյան։ Նրա հեռարձակել է պաղեստինյան Al Aqsa հեռուստաալիքը։
«Մենք սգում ենք ՀԱՄԱՍ-ի քաղբյուրոյի ղեկավար, հրամանատար Յահյա Սինվարին»,- ասել է նա։
Reuters-ի փոխանցմամբ՝ տեսաուղերձում ալ-Հայյան ասում է, որ Սինվարի մահը միայն կծառայի խմբավորման ուժեղացմանը, և խոստանում, որ օկուպանտները շուտով կզղջան նրան սպանելու համար:
Նա հավելում է՝ 101 պատանդները, որոնք դեռևս պահվում են Գազայում ՀԱՄԱՍ խմբավորման կողմից, չեն ազատվի այնքան ժամանակ, քանի դեռ ագրեսիան չի դադարեցվել և իսրայելական ուժերը դուրս չեն եկել պաղեստինյան անկլավից։
Հոկտեմբերի 17-ի երեկոյան Իսրայելի ԱԳՆ-ն պաշտոնապես հայտարարեց ՀԱՄԱՍ-ի քաղբյուրոյի ղեկավար Յահյա Սինվարի լուծարման մասին։ Իսրայելական բանակն ավելի ուշ հրապարակեց անօդաչու թռչող սարքի նկարահանած կադրերը, որը, իսրայելական կողմի պնդմամբ, ֆիքսել է ՀԱՄԱՍ-ի հրամանատարի կյանքի վերջին պահերը Գազայի հատվածի հարավում գտնվող խարխուլ տանը:
Թարգմանությունը՝ Տաթև Ֆռանգյանի
