05.08.2026 | 18:34
ԱՄՆ-ում Ուկրաինայի նախկին դեսպանին նոր կասկածի մասին ծանուցում է ուղարկվել
Օմսկում 18-ամյա դպրոցականին դավաճանության մեղադրանքով քննչական մեկուսարան են ուղարկել
Քաղաքականություն
18.10.2024 | 20:29
ՌԴ Օմսկի դատարանը դավաճանության մեղադրանքով (Քրեական օրենսգրքի 275-րդ հոդված) բանտարկել է տեղի 18-ամյա բնակչին։ Նա ավագ դպրոցի աշակերտ է, հայտնում է Current Time-ը՝ հղում անելով ԱԴԾ տարածաշրջանային վարչությանը։
Ուժայինները պնդում են, որ երիտասարդը, իբր, «կառավարել է ուկրաինական տելեգրամյան ալիքներ, որոնք խթանում են ահաբեկչական կազմակերպությունների գործունեությունը», ինչպես նաև «հրապարակային կոչ է արել օգտատերերին բռնի գործողություններ կատարել Ռուսաստանի հայրենասեր քաղաքացիների նկատմամբ» և գումար է հավաքել Ուկրաինայի զինված ուժերի համար։
«Արձանագրվել են փաստեր այն մասին, որ մեղադրյալը միջոցներ է փոխանցել ուկրաինական ահաբեկչական կազմակերպությունների անդամների բանկային հաշիվներին»,- հայտնել են ԱԴԾ-ից։
Կասկածյալի տունը խուզարկվել է, սարքավորումներ են առգրավվել։
Ավելի վաղ Важные истории-ն հաշվարկել էր, որ 2024 թվականի առառին վեց ամիսներին Ռուսաստանում դավաճանության համար դատապարտվել է 52 մարդ, ինչը 3,5 անգամ ավելի է, քան 2023 թվականի նույն ժամանակահատվածում։
Թարգմանությունը՝ Տաթև Ֆռանգյանի
